Таптыг-ла 100 чыл бурунгаар Барыын-Хемчик кожууннуң составынга Каргы суур эгезинде тургустунган. А чүгле 1941 чылда Тыва Арат Республиканың Биче Хуралының Президиумунуң административтиг-территориалдыг чаартылгазының түңнелинде бот-тускайлаң административтиг округ – Каргы суур кирген Мөңгүн-Тайгинский кожуун тургустунган.
1930 чылдарның ортаа үезинде сумузу хөгжүп эгелээн. Бирги административтиг бажың кылдыр ТАР-ниң кызыгаар постузу тургустунган, чоорту эге школа, чагырга бажыңы, баштайгы садыг болгаш элээн каш чуртталга бажыңнары тыптып келген. Оон бээр Каргы улгадып эгелээн.
Амгы үеде суурда 4 муң хире кижи чурттап турар. Мөңгүн-Тайга кожууну ышкаш, Каргының чурттакчылары хой, сарлык ажыл-агыйын тудуп турар.
Чүс чылдаанга тураскаадып, сентябрь 12 биле 13-те суурга байырлыг хемчеглер болуп эртер:
Сентябрьның 12
10:00 – «Найыралдың начыны» стадионга тыва чадан баг адырынга маргылдаа;
10:00 – «Найыралдың начыны» стадионга эр болгаш херээжен командалар аразынга хол бөмбүүнге республика маргылдаазы;
14:00 –. Ч. Артай-оол аттыг драма театрынга байырлыг хурал;
Сентябрьның 13
10:00 – «Найыралдың начыны» стадионунга ажылчын коллективтерниң, көдээ ажыл-агый ажылдакчыларының, сумаларның болгша сайгарлакчыларның парад-чыскаалы;
10:00 – Доора-Хову шөлүнге аъттар чарыжы;
12:00 – «Найыралдың начыны» стадионга «Хой көдүрери» маргылдаа;
13:00 – «Найыралдың начыны» стадионга тыва хүреш маргылдаазы.