«Хөмүр-даш бүдүрүлгезиниң хүндүлүг ажылдакчылары болгаш хоочуннары, Шахтер хүнү-биле силерге сеткилимниң ханызындан байыр чедирип тур мен!
Шахтерларның күш-ажылы – шыдамык, эрес-дидим болгаш ажылынга бердинген чорукту негээр маадырлыг күш-ажыл-дыр. Чүгле күштүг тура-соруктуг кижилер чер адаанче бадып шыдаар.
Хөмүр-даш үлетпүрү – Сибирь федералдыг округтуң болгаш бүгү чурттуң күчүлүг бүдүрүлге комплекизи болур экономиканың үндезин адырларының бирээзи. Россияда казып-тыпкан хөмүр-даштың дөрттүң үш кезии Сибирьге онаажыр. Дагжыларның бедик мергежили болгаш быжыг тура-соруу, улуг салгалдың хөмүр-даш тыварыкчыларының арга-дуржулгазы болгаш амгы чаа технологияларны кииргени – адырның моон-даа соңгаар хөгжүлдезинге үндезин. Шахтерларның карак кызыл күш-ажылы – Россияның энергетиктиг айыыл чок чоруунга, хамааты үлетпүр бүдүрүлгезиниң болгаш камгалал бүдүрүлгелериниң турум ажылдаарынга кол өзек.
Бөгүн, хөмүр-даш үлетпүрү даштыкы санкциялар болгаш ыйыдыышкыннар басса-даа, хөгжүлдеже улуг күчүзүн кадагалап, бистиң чурттуң чечектелиишкининге болгаш турум чоруунга дорт салдарлыг сайзырап турар. Россияның Президентизи хөмүр-даш үлетпүрүнче болгаш ону деткиир дээн комплекстиг программаның күүселдезинче онза кичээнгейни салып турар.
Хүндүлүг дагжылар, силер кандыг-даа бергелерни ажып эртип, эң-не бедик чедиишкиннерни чедип ап шыдаар тайбың күш-ажылдың ёзулуг маадырлары-дыр силер! Силерге быжыг кадыкшылды, өг-бүлеңерге аас-кежикти, келир үеже бүзүрелди, чаа-чаа чедиишкиннерни күзедим. Силерниң күш-ажылчы чедиишкиннериңер Россияның күчү-күжүн болгаш чаагай чоруун быжыглаарынга улуг үлүг-дүр! Байырлал-биле!»