Тываның Баштыңы Владислав Ховалыг Владислав Ховалыг барыын кожууннарже сургакчылап чорааш, муниципалдыг оруктарны таарымчалыг байдалже киирер дээш кылып турар орук участоктарын барып хынаан. «Амыдыралга инфраструктура» национал төлевилелдиң күүселдези-биле чоруп турар Чадаана – Суг-Аксы оруктуң 9 км участогун асфальтылаар ажыл доозулгалак. Чаарттынган орук тус чер чурттакчыларының болгаш туристерниң кожуунга аай-ждедир аргыжылгазынга таарымчалыг байдалды хандырар. «Строй-Экспресс» КХН тудуг чери ажылдарны кылып турар. Бадылаан ажылдарны чыл төнчүзүнге чедир доозары планнаттынган.
Тываның Баштыңы ол чорааш, Ак-Довуцрак хоорай биле Тээли аразында орук участогнунуң септелгезин база хынаан. План езугаар оруктуң септлегзи 2026 чылдың октябрьда доостур ужурлуг, ындыг болзажок бо хүнде шупту ажылдар графикти мурнаан. Шупту көрдүнген ажылдарның чартык кезии кылдынган.
«Тываның девискээринде автомобиль оруктарын экижидери – бистиң ажылывыстың чугула кезээ» - деп, Тываның Баштыңы хыналда соонда бодунуң блогунда бижээн. – Республиканың найысылалында оруктарны, регионалдыг оруктарны септеп, көдээ суурларже кирер оруктарны чогуур байдалче киир кылып турар бис. Эки оруктар дээрге чонга таарымчалыг байдалды болгаш айыыл чок чорук болганда, ол угланыышкын-биле ажылдарны уламчылаар бис».
Участоктарның асфальт-бетон шывыын чадып, кыдыгларын быжыглап, кол кезээн катап тургузуп турар шалыпкын тудуг ажылдарының үезинде хыналда эрткен. Тываның Баштыңы чонга айыыл чок чок болгаш таарымчалыг оруктарны шынарынче, чаагайжыдылгазынче онза кичээнгейни салырын демдеглээн.
«Амыдыралга инфраструктура» национал төлевилел база «Көдээ черлерниң комплекстиг хөгжүлдези», «Тыва Республиканың транспорт системазының хөгжүлдези» күрүне программалары-биле республика болгаш федералдыг акша-хөреңгилерни хаара тутпушаан, Тывада орук ажылдары чоруп турарын сагындыраал.