Регионалдыг диспетчер албанының медээзи-биле алырга, август 26-ның эртенги шагында, республикада 44 га шөлде 3 арга-арыг өрттери хып турар, 100,02 га шөлде 3 өрттү чавырылдырган, 374 га шөлде 3 өрттү өжүрткен. Хову өрттери бүрүткеттинмээн.
Чөөн-Хемчик кожуун девискээринде Чадаана биле Чыраа-Бажы арга-арыг участоктарында өрттер амгытүеде хыппышаан.
242 кижи болгаш 16 единица техника өжүреринде хаара туттунган. Тыва Республиканың Арга-арыг яамызының курлавырында 204 кижи, 120 санныг техниказы бар. Тывада Красноярск крайдан, Омск болгаш Иркутск областардан, Бурятия, Хакасия республикаларындан, Поволжьеден “Авиалесоохрана” ажылдакчылары Тывада ажылын уламчылап турар.
Август 25-те эрткен аппарат хуралында Тываның Баштыңы Владислав Ховалыг арга-арыг өрттериниң талазы-биле байдал чүгээртеп турарын демдеглээш, республиканың чонун арга-арыг баарын болгаш ынаар автотранспорттуг кирерин бүрүнү-биле хораан өртке удур тускай чурумнуң негелделерин ам-даа күштүг дээрзин сагындырган.
Тывада өртке удур онза байдал чуруму сентябрь 8-ке чедир күштүг дээрзин сагындыраал.