Тывада республиканың одаар чүүл шыгжамырларынче хөмүр-даш чедирилгези уламчылап, келир кышкы белеткел чоруп турар. Амгы үеде Кызылда 14 одаар чүүл шыгжамырлары ажылдап турар, оларның үжү чурттакчы чонга хөмүрнү садып эгелээн.
Регионалдыг Тариф албан чериниң дыңнатканы-биле алырга, Тыва Республиканың Чазааның 2010 чылдың май 21-де №212 доктаалы-биле бадылааны езугаар, «Тыва даг-руда компаниязы» КХН, Каа-Хем база Чадаана уургайлары чурттакчы чонга хөмүрнү бир тоннада 2295 рубльге садары күштүг бооп арткан.
Кызылда (уургайдан шыгжамырга чедирер база дүжүрери-биле кады) чонга хөмүрнү үүрмектеп садарының үстүкү өртээ - солагай талакы дачаларга чедир 1 тоннада 3508 рубль; оң талакы кезээнге чедир 1 тоннада 3715 рубль болурун Тарифтер албаны дыңнаткан.
Ооң-биле чергелештир Тывада «Социал хөмүр» губернатор төлевилели чурттакчы чоннуң социал байдалы кошкак бөлүктеринге кадыг одаар чүүлдүң адрестиг дузазын көргүзер.