Даа кожуун 1765 чылда тургустунган. Тываның Амбын-Ноянының чагыргазынче кирген бешки кожуун база девискээри болгаш чурттакчы чонунуң саны-биле эң улуг. «Даа» дээрге «Улуг» дээн утканы илередип турар. Ооң девискээри мурнуу талада Саян сыннарындан эгелээш Таңды-Уулага, чөөн талада Кузнецкиниң Алатаудан Элегеске чедир чапты берген. Амгы үеде ол черлерни Чөөн-Хемчик, Сүт-Хөл, Улуг-Хем, Чаа-Хөл база Өвүр кожууннар ээлеп чыдар.
Кожууннуң ол юбилейинге тураскааткан байырлыг хемчеглер август 30-ге чедир уламчылаар:
Август 23-29
«Үстүү-Хүрээ» сарыг шажын хүрээзинге Комбу сагыызынының мандалазын тудуп, ыдыктааш, бузуп үлээр шажынчы езулал болур.
Август 27
9:00 – Чадаана хоорайның шыдыраа клувунга республика маргылдаазы.
Август 28
9:00 – Чадаана хоорайның спортчу залдарынга эрлер болгаш херээженнер ортузунга хол бөмбүүнүң республика маргылдаазы.
Август 29
8:00 – Бора-Булак ховузунга аът чарыжынга республика маргылдаазы.
9:00 – Бора-Булак ховузунга эрлер болгаш херээженнер ортузунга ча адарының “Баг адар хевиринге” республика маргылдаазы.
10:00 – Бора-Булакка төөгүлүг Даа кожууннуң составында муниципалдыг тургузугларның делегациялар чыскаалы.
10:00 – «Чадаана – Бажың-Алаак» автомобиль оруунуң ажыдыышкыны.
12:00 – Чадаана хоорайда чаа ниити өөредилге школазының байырлыг ажыдыышкыны.
10:30 – Бора-Булакка «Өгбелерниң өнчүзү – салгалдарның чоргааралы» деп өглер хоорайжыгажының база ус-дарган болгаш уран-шеверлер делгелгезиниң ажыдыышкыны.
11:00 – Бора-Булакка «Эң-не узун быштак» деп аъш-чем фестивалы-биле «Сүт байырлалының» ажыдыышкыны.
12:00 – Мерген-Херел Монгуш аттыг Культура бажыңынга «Даа кожууннуң амыдыралындан 260 арын» деп фоточуруктар делгелгези.
13:00 – Чөөн-Хемчиктиң кожууннар аразының эмнелге төвүнүң кезиишкин салбырын капитал септелге соонда ажыдары.
16:00 – Даа кожууннуң 260 чылынга турскааткан байырлыг хурал.
19:00 – «Чадаана» стадионунга байырлал концерт.и
21:00 – Байырлал салюду.
Август 30
10:00 – 15 км хемчээлге эр болгаш херээжен спортчулар аразынга чадаг чарыш маргылдаазы.
14:00 – «Чадаана» стадионунга тыва хүрешке республика маргылдаазы.