Регионалдыг диспетчер албанының медээзи-биле алырга, август 23-түң эртенинде, республикада 394 га шөлге беш арга-арыг өрттери хып турган, 551 га шөлге 6 арга-арыг өрттери узуткаттынган, 301 га шөлде 4 арга-арыг өртүн 24 шак дургузунда өжүртүнген. Хову өрттери бүрүткеттинмээн.
Чадаана болгаш Шагаан-Арыг арга-арыг ажыл-агыйларында кол ажылдар уламчылавышаан, ында 334 га ниити шөлде үш болгаш ийи өрт хып турар. 405 кижи база 29 единица техника өжүреринче хаара туттунган. Тыва Республиканың Арга-арыг яамызының курлавырында 192 кижи, 111санныг техника бар. Тывада Красноярск крайдан, Омск болгаш Иркутск областардан, Бурятия, Хакасия республикаларындан, Поволжьеден өрт өжүрүкчүлери ажылын уламчылап турар.
Өртке удур тускай чурумну сентябрь 8-ке чедир узаткан.
2025 чылдың өрт сезону эгелээнден бээр ниитизи-биле 17919 га черде 169 арга-арыг өрттери бүрүткеттинген, ооң иштинде онза камгалалдыг бойдус девискээрлериниң (Азас күрүнениң бодйдус заповедниги) черлеринде 4 га ниити шөлдүг 3 арга-арыг өрттери бүрүткеттинген.