2025 чылдың август 21-ниң эртенинде, Тыва Республиканың арга-арыг фондузунуң 533 га шөлүнде 10 арга-арыг өрттери хып турган болза, 1509,5 га шөлде 9 арга-арыг өрттери өжүртүнгенин регионалдыг диспетчер албаны дыңнаткан. Сөөлгү хүннүң дургузунда 355,5 га шөлге 4 арга-арыг өрттерин өжүрген. Хову шөлдерде өрттер чок. Регион ужур-дузалыг арга-арыгларда онза байдал уламчылап турар, ол сентябрь 8-ке чедир уламчылаар.
Шуурмактың, Самагалтайның, Ак-Дуругнуң, Арыг-Үзүүнүң, Чадаананың, Өвүрнүң уччасток арга-арыг участоктарының девискээрлеринде арга-арыг өрттери бар.
Бай-Хаактың, Хову-Аксының, Элегестиң, Самагалтайның, Арыг-Үзүүнүң, Сизимниң болгаш Кунгуртугнуң арга-арыг участкоктарында тайгаларда өрттерни өжүрген.
Федералдыг арга-арыг камгалалындан дээш, шупту 138 кижи база 9 машина-техника өрттер өжүреринге киришкен. Он өрттүң тозу-ла чаңнык дүшкенинден өөскүп турар, чүгле чаңгыс таварылгада өске категорияның черлеринден өрт шилчип келген. Республиканың арга-арыг яамызының курлавырында 133 кижи база 112 санныг техника бар.
«Авиаарга-арыг камгалалы» федералдыг албанның Красноярск крайдан, Омск база Иркутск областардан, Бурят, Хакас республикалардан, Приволжьеден өртчүлер от халавы-биле деиселде дузалажып турар.
Бүрен-Хем, Бай-Тайга, Бүрен-Бай-Хаак база Элегес арга-арыг участоктарында өрттерни бүрүнү-биле өжүрген.
Тываның гидрометеорология болгаш долгандыр хүрээлел мониторингизиниң төвү август 21-ниң хүнүнде Эрзин кожуунуң девискээринде 5-ки класстың өрт айыылы хевээр арткан. Бай-Тайга биле Кызыл кожууннарга 4-кү класстың өрт айыылы тургустунуп болур.