Каа-Хем кожууннуң Бүрен-Хем суур чоогунда август 15-тиң дүъште эгелээн ховуда өрт тарап нептерээнин Регионнуң диспетчер албаны дыңнаткан. Өрттү өжүрер дээш РФ-тиң ОБЯ-ның Тыва Республикада кол эргелели биле ТР-ниң хамааты камгалал болгаш онза байдалдар албанының күжүн болгаш дериг-херекселдерин хаара туткан. Россия Федерациязының Онза байдалдар яамызының ТР талазы-биле кол эергелиниң даргазының оралакчызы Рустем Салаховтуң дыңнатканы-биле алырга, амгы үеде чурттакчылыг черге кандыг-даа айыыл чок.
Өрттү өжүреринде 40 ажыг кижи ажылдап турар, оларның аразында тус черниң чурттакчылары, 4 санныг техника, ооң иштинде РФ-тиң ОБЯ ТР-де КЭ өрт машиназы бар.
Амгы үеде байдал контрольда. Херек апарза, немелде күштерни, ооң иштинде авиацияны хаара тударының аргаларын көрген.