Бүгү-делегейниң үндезин чоннарының хүнүнге тураскааткан фестиваль республикага болуп эртер. Бо чылын ол август 16-да Культура болгаш дыштанылганың национал парыгынга болуп эртер ол хүннү Тыва Республика хүнүнге тураскаадыр. Концерт программазы, биче буурай үндезин чоннарның амыдырал-чуртталгазының делгелгези, мастер-класстар, мөөрейлер, ол ышкаш тус чер чагыргаларының организастаары консультация шөлдери байырлал хемчеглеринче кирген.
Ол хүнде Россия Федерациязының Соңгу чүк, Сибирь болгаш Ыраккы Чөөн чүк биче буурай чоннарының общиналар съездизи И.Г. Сафьянов аттыг Орус культура төвүнге база болуп эртер.
Съездиге эң-не кол айтырыгларны: салгал дамчаан үндезин билиглерни кадагалап арттырарын болгаш аныяк салгалга езу-чаңчылдарны олчаан дамчыдарының, девискээр аайы-биле экономиканы хөгжүдериниң, ол ышкаш эрге-хоойлу езугаар үндезин чоннарның эрге-ажыын камгалаарының айтырыгларын аңаа сайгарып чугаалажыр. «Лунсин» КХН база «Ойна» алдын тывыш чери дээн ышкаш, ачы-буян дузазын чедирип чоруур улуг компанияларны чугааже чалаан.
Культурлуг өнчү-салгалын кадагалап арттырарынче база общиналарның айтырыгларынче кичээнгейни хаара тудар сорулга-биле августуң 9-та Делегейниң үндезин чоннарының хүнүн демдеглеп турар.
Тыва Республикада биче буурай үндезин чоннарга 7189 кижи санныг тожу-тывалары хамааржыр. Олар республиканың Тожу, Мөңгүн-Тайга, Тере-Хөл бзаа Эрзин кожууннарда чурттап чоруур.