Экономиканың мурнады боттандырар адырларында инвестиция төлевилелдерин боттандырарынга субсидия бээриниң дугайында билдириишкиннерни бо чылдың август 30-ге чедир Тыва Республиканың Хөгжүлде фондузу таварыштыр хүлээп турар.
Мурнады боттандырар угланыышкыннарда тускай экономиктиг зонаның болгаш үлетпүр парктарының инфраструктуразын хөгжүдер дээн ышкаш кол адырлар бар. Оон аңгыда агроүлетпүр комплекизи, кадык камгалалы, өөредилге, IТ болгаш телекоммуникациялар, энергия дөстерин катап тургузар адыр кирген энергетика, транспорт болгаш логистика, туризм, эртем-шинчилел болгаш инновациялыг ажыл-чорудулга, тудуг хөгжүлдезинче дээш, бедик технологиялыг болгаш инновациялыг угланыышкыннарже онза кичээнгейни салган.
Мөөрей шилилгезиниң түңнелдеринге даянып, чугула угланыышкыннарга хамаарышкан чарыгдалдарынга субсидия деткимчезин алыр тиилекчини тодарадыр. Аңаа дериг-херекселдер, тускай транспорт аймаа болгаш техника, ол ышкаш бараан бүдүрер чиг эт база херек чүүлдер садып алыры, эптээри болгаш сөөртүрү хамааржыр.
Акша-хөреңгини оон аңгыда, бүдүрүлге шөлүнүң техниктиг эде дериишкининче база чаартылгазынче, ол ышкаш төпчүткен четкилерге технологтуг кожулдаже ажыглап болур. Субсидиялар шалың төлээринге, организацияны хандырарынга, үндүрүг төлээринге көрдүнмээн дээрзин демдеглээри чугула.
2030 чылдың төнчүзүнге чедир төлевилел чедиишкинниг боттаныр ужурлуг.
Конкурстуң дугайында дараазында сайтыдан promote.budget.gov.ru/public/min... азы Тыва Республиканың Хөгжүлде фондузунуң дараазында дугаарынче долгааш, тодаргай тайылбырны ап болур: 8 (39422) 3-75-57, 3-00-58.