1999 чылдың февраль 12-де «Тыва Республиканың байырлалдарының дугайында» №143 республика хоойлузу-биле байырлалды тургустунган. Республикада ол хүн дыштаныр болгаш, байырлал хемчеглери хөй. Бо чылын август 14-тен 16-га чедир болур байырлыг хемчеглер санында, 1921 чылдың август 13-тен 16-га чедир Суг-Бажы (амгы Кочетов суур) девискээринге Бүгү-Тываның тургузукчу хуралынга (съездиге) Тыва Арат Республиканың тургустунганын чарлаан база Тываның бирги Үндезин Хоойлузун хүлээп алган Таңды кожууннуң Кочетов суурга байырлал база бар. Байырлал программазында культура-массалыг, делгелгелиг, спортчу, информас-чырыдыышкынныг хемчеглер чаңчыл езугаар болур.
Тыва Республика Хүнүнүң байырлал программазы:
Культура-массалыг хемчеглер:Август 14
11:00 – Тыва Арат Республиканың үндезилеттингенинге тураскааткан тураскаал чанынга митинг, Таңды кожууннуң Кочетов суурунга.
Август 15
Республиканың культура-дыштанылга албан черлеринге байырлал концерттери;
11:00 – Кызыл хоорайда, тыва күрүнениң үндезилекчизи Монгуш Буян-Бадыргының тураскаалының чанынга байырлыг митинг;
15:00 – Тыва Республианың А.С. Пушкин аттыг Национал библиотеказынга регионнар аразының биче хемчээлдиг чогаалдарынга мөөрей;
16:00 – В.Көк-оол аттыг Национал хөгжүм-шии театрынга байырлыг хурал;
18:00 – Арат шөлүнге байырлал концерти;
20:30 – Кызыл хоорайда Арат шөлүнде фонтанга хөгжүм-лазерлиг шоу.
Август 16
10:00 – Тыва Республиканың девискээринде чурттап чоруур Россия Федерациязының Соңгу чүк, Сибирь база Ыраккы чөөн чүктүң биче буурай чоннарының общиналар съездизи, Орус культура төвүнге;
14:00 – Тыва Республика хүнүнге база Тыва Республикада делегейниң үндезин чоннарының делегей хүнүнге тураскааткан фестиваль, Тыва Республиканың культура болгаш дыштанылганың Национал парыгынга.
Делгелге хемчеглери
Август 15, Арат шөлүнге
15:00 – Консультация пунктулары (хостуг олуттар, ажылче хаара тудары, өөредилге база эде өөредилге, соцкерээ);
15:00 – Хамаатыларга «Күрүнениң юридиктиг бюрозу» ТР-ниң ККА халас юридиктиг дузазы;
15:00 – Сайгарлыкчыларның ярмарказы;
15:00 – Ада-чурттуң Улуг дайынынга Тиилелгениң 80 чылынга тураскааткан делгелгениң таныштырылгазы;
15:00 – «Август 15 – Тыва Республика хүнү» деп номнар делгелгези;
15:00 – Кызыл хоорайда Хөй ажыл-чорудулгалыг төпке тайылбырлыг ачы-дуза чедирилгези.
Спортчу-массалыг хемчеглер
Август 14
10:00 – тыва ча адырга Тыва Республиканың бирги чери дээш элээдилер ортузунга «Баг адар хевир» база уруглар ортузунга «Борбаанды адар хевири», Советтиг Тываның 5 чылы стадионга;
10:00 – 2010-2019 чылдарда төрүттүнген оолдарның 5 аңгы бөлүүнге тыва хүрешке Тыва Республиканың бирги чери дээш маргылдаа, В. Биче-оол аттыг Хүреш стадионунга.
Август 15
10:00 – 45 хардан өрү назылыг хоочун мөгелер аразынга тыва хүрешке республика маргылдаазы, В. Биче-оол аттыг Хүреш стадионунга;
12:00 – 18 харга чедир элээди мөгелер аразынга тыва хүрешке Тыва Республиканың бирги чери дээш маргылдаа, В. Биче-оол аттыг Хүреш стадионунга.
Информация-чырыдыышкынныг хемчеглер
Август 13-16
– Аңгы-аңгы бөлүктерниң хамаатыларынга темалыг экскурсиялар, Тыва Республиканың Национал музейинге, Тыва Республиканың Национал музейиниң Төөгү-мемориалдыг филиалынга.
Август 15
12:00 – «Сеңээ чоргаарланыр мен, Республикам!» деп чуруктар мөөрейи, Тыва Республиканың культура болгаш дыштанылганың Национал парыгынга.