Кызылдың Арат шөлүнге республиканың ИХЯ-ның сайыды Юрий Завьяловтуң башкарылгазы-биле болуп эрткен Тыва Республиканың ИХЯ-зының бөлүктериниң хемчээнге регионнуң Баштыңы Владислав Ховалыг киришкен. Регионалдыг төптүң девискээринде хөй-ниити корум-чурумун камгалаар албан-хүлээлгелиг албан черлериниң каттышкан хемчээниң үезинде ИХЯ-ның ажылдакчыларынга чаа албан машиналарын дамчыдар езулал база болган.
Россияның ИХЯ Кызыл хоорайда эргелели, Орук шимчээшкининиң айыыл чок чоруунуң күрүне инспекциязы, “Кызылский” муниципалдар аразының килдизи, Росгвардияның Тыва Республикада эргелели, шериг полициязы, эки турачы дружиналар кежигүннери, Кызыл хоорайда бактаатынган хуу камгалал организациялары дээш, Иштики херектер яамызының Тыва Республика талазы-биле кезээниң хууда составтары ниити гарнизон чыыскалынга киришкен.
Тыва Республиканың Дээди Хуралының (парламентизиниң) Айыыл чок чорук болгаш корум-чурум камгалаар талазы-биле комитет даргазы Аяс Санчат, республиканың шериг комиссары, подполковник Евгений Терехов, Россияның федералдыг кеземче херээниң Тывада удуртукчузу, иштики албанның полковниги Руслан Петенев, 2020 чылда «Тиилелгениң салюду» бүгү-российжи мөөрейниң лауреады, чурукчу Радомир Балган, Росгвардияның Тывада эргелелиниң, Шериг полицияның ажылдакчылары, ИХЯ-ның Тыва Республикада килдистериниң удуртукчулары болгаш ажылдакчылары, ол ышкаш Тываның Иштики херектер яамызының хоочуннар организациязының даргазы, халажылгада полицияның полковниги Валерий Тарыма ук хемчегге киришкеннер.
Ниити гарнизоннуң хыналдазы албан ажыл-чорудулгазының чугула кезээ болур, ол хууда составтың беленин үнелеп, техника болгаш чепсектиң хынап, янзы-бүрү кезектерниң хөделиишкиннерин дүүштүрер. Россия Федерациязының болгаш Тыва Республиканың ыдык ырыларның үделгезинде Тыва Республиканың Иштики херектер яамызының тугун көдүрүп киргениниң езулалы-биле шеригжиткен черлериниң каттышкан чыскаалы эгелээн.
Владислав Ховалыг Тываның ИХЯ-зының удуртулгазынга хемчегни бедик деңнелге организастааны дээш өөрүп четтиргенин илереткеш, байырны чедирген. Тываның Баштыңы регионда хөй-ниитиниң айыыл чок чоруун болгаш корум-чурумун хандырарынга эрге-чагырга органнарының корум-чурум камгалаар органнарга көргүзүп турар деткимчезиниң онза чугулазын демдеглээн:
"Ада-чурттуң сонуургалдарын камгалаары-биле дайынчы хөделиишкиннер үезинде хамаатыларның амыр-тайбың чоруу дээш онза харыысалгалыг бис. Ынчангаш корум-чурум камгалаар органнарның ажылдакчыларын, участок полиция шагдааларын болгаш орук хайгаарал албаннарын деткиир ажылды уламчылаар бис. 2 муң ажыг кижи составтыг 120 эки турачы улусчу дружиналар хөй-ниитиниң чурумун тударынга дузалажып турар. Республика бюджединиң акша-хөреңгизи-биле херек дериг-херекселди: алкотестер, дүне көөр дураннарны, фотоловушкаларны, демис-дес тыварынга ап чоруур херекселдерни садып алган» - деп, Владислав Ховалыг чугаалаан.
Тываның Баштыңы албан ажыл-херээнге бедик көргүзүглерлиг болгаш иштики херектер органнарынга ак сеткилдиг албаны-биле тергиидээн полиция ажылдакчыларынга күрүне шаңналдарын тывыскан.
Тыва Республиканың Баштыңының Өөрүп четтириишкин бижиин:
- ТР-де ИХЯ орук-патруль албанының аңгы ротазының улуг инспектору, полицияның улуг лейтенантызы Солагай Мерген Владимирович,
- Россияның ИХЯ Кызыл хоорайда эргелелиниң патруль-пост албанының аңгы ротазының полицейжизи, полицияның сержантызы Сарым-оол Ёнзак Артемович,
- Россияның ИХЯ Кызыл хоорайда эргелелиниң патруль-пост албанының аңгы ротазының даштыкы күрүнелерниң дипломатчы төлээ болгаш консул черлерин камгалаар тускайджыттынган килдизиниң командири, полицияның сержант Ооржак Темирлан Онер-оолович,
- Россияның ИХЯ Кызыл хоорайда эргелелиниң патруль-пост албанының аңгы ротазының 1-ги взводунуң полицейжизи, полицияның сержантызы Бурбу Чингис Байыр-оолович,
- Россияның ИХЯ Кызыл хоорайда эргелелиниң патруль-пост албанының аңгы ротазының 1-ги взводунуң полицейжизи (чолаачызы), полицияның сержантызы Донгак Аржаан Сергеевич.
Россия Федерациязының ИХЯ-зының удуртулгазы материал-техниктиг баазаны экижидер, ооң иштинде албан автопарыгын чаа машиналар-биле четчелээр талазы-биле чогуур хемчеглерни ап турар. Бо чылын Тыва Республиканың ИХЯ-зы 48 албан машиназын садып алган, оларның 24-түң дүлгүүрлерин бөгүн Тыва Республиканың ИХЯ сайыды Юрий Завьялов байырлыг байдалга тывыскан.
«Лада-Грант» маркалыг 10 патруль машиналарын, «УАЗ-Патриот» маркалыг үш патруль машиназын, оперативтиг албанга бир тускай машинаны база 10 «Лада-Гранта» машиналарны ажылга ажыглаар кылдыр хүлээткен.