Тыва Республиканың Культура яамызы культура болгаш уран чүүл адырында дараазында угланыышкыннарынга чогаадыкчы төлевилелдерни боттандырар кылдыр Тываның Баштыңының грантыларын алыр чагыгларга конкурс шилилдезин чарлаан:
чурулга уран чүүлү;
архив херээ;
хөгжүм уран чүүлү;
хореография уран чүүлү;
театр болгаш цирк уран чүүлү;
кино болгаш анимация;
музей херээ;
библиотека херээ;
улусчу чогаадылга, уран дааранылга болгаш ус-дарганнаашкын;
культура болгаш уран чүүл адырында өөредилге болгаш эртем шинчилели;
литература уран чүүлү.
Республиканың культура болгаш уран чүүл адырында ажылдап чоруур хуу сайгарлыкчылар, ажыл-биле боттарын хандыртынган кижилер болгаш юридиктиг черлер киржип болур. Аңаа киржирде элээн каш документилерни, ооң иштинде төлевилелдиң сорулгазын болгаш хемчеглерин, ону боттандырар план-графигин дужаары албан. Грантының эң улуг хемчээли 500 муң рубль болур.
opi_mkrt@mail.ru электроннуг почта таварыштыр чагыгларны 2025 чылдың июнь 16-дан июль 16-га чедир хүлээр.
Тыва Республиканың Культура яамызының албан езунуң сайтызындан азы 8 (394-22) 3-70-61 (доб. 204) дугаарлыг телефондан немелде информацияны ап болур.