Июнь 19-та, Тываның Баштыңы ПМЭФ шөлүнге, «ЭЛУС» кыдат сайгарлыкчылар эвилелиниң удуртулгазы-биле ужурашкан. Ужуражылгага кыдат инвесторлар-биле республиканың кады ажылдажылгазының аргаларын чугаалашкан. Кыдат бизнесменнер транспорт, логистика инфраструктуразы, үлетпүр, көдээ ажыл-агый болгаш туризм талазы-биле кады ажылдадылгага болгаш ниити төлевилелдерни боттандырарынга беленин чугаалаан. Владислав Ховалыг сайгарлыкчылар-биле ужуражып тура, Тыва биле Кыдат бизнестиң аразында амгы үеде бар харылзааларны, ол ышкаш өске-даа чаа инвесторларны уткуп алырынга республика беленин чугаалаан.
Ужуражылганың түңнелинде, Тываның Баштыңы биле Россияда кыдат сайгарлыкчылар эвилелиниң президентизи Чжоу Лицюнь кады ажылдажылга дугуржулгазынга аттарны салганнар. Дугуржулга келир үеде ажыл-чорудулганың арга-хевирлерин тодараткан кызыгаарлыг. Олар чоокку үеде олар көстүп кээр деп, ийи таланың удуртукчулары демдеглээн.
«Бистиң республиканың арга-шинээн ажыдар инвестиция төлевилелдери-биле чаа ажылчын олуттарны тургузуп, бистиң хамаатыларывыстың амыдырал-чуртталгазының шынарын бедидер дээш инициативларны кады боттандырар бис» - деп, Владислав Ховалыг ат салган дугуржулгага хамаарыштыр бодалын илереткен.