Майның 17 –де – бүгү-делегейде уругларга бүзүрел телефонунуң хүнү. Бо хүн амыдыралдың берге байдалынга таварышкан уругларны камгалаар хемчеглерни күштелдирер болгаш оларга дуза кадарынче кичээнгейни угландырар сорулгалыг.
Бүзүрел телефонун иштики сагыш-човаашкыннарын кым-биле-даа үлежип шыдавас байдалга таварышкан уругларга болгаш улуг улуска шынарлыг психологтуг деткимчени көргүзери-биле тургускан. Шугумда ажылдап турар дуржулгалыг специалистер кижи бүрүзүн дыңнаарынга, деткииринге болгаш кандыг-даа бергедээшкиннерни шиитпирлээринге белен. Олар школа амыдыралында бергедээшкиннерни, эш-өөрү болгаш ада-иези-биле харылзаазын база өске-даа бергедээшкиннерни шиитпирлээрде дузалажыр.
Бүзүрел телефону байрылалдар болгаш дыштаныр хонуктар чокка, хондур-хүнзедир ажылдаар. Специалистер шупту долгаашкыннарның чажыт болурун магадылап турар. Долгап турар кижи ооң айтырыын кичээнгейлиг болгаш сагыш човаашкын-биле сайгарып бээринге бүзүрээр ужурлуг.
Тывада уругларның чаңгыс дугаарлыг бүзүрел телефонунче долгаан улус профессионал психологтуг дузаны алыр. Мобильдиг азы стационарлыг телефондан долгаары халас болгаш чажыт. Кым долгап турарын ылавылап айтырбас айтырбас. Уругларга, элээдилерге болгаш оларның ада-иелеринге чаңгыс дугаарлыг бүгү-российжи бүзүрел телефонунуң дугаары 8-800-200-0122. А 2024 чылдың декабрьдан эгелеп бүзүрел телефонунуң 124 дугаарлыг кыска дугаарынче болур апарган. Шупту мобильдиг операторларның абонентилери ынаар долгап болур.
2024 чылда Тываның бүзүрел телдефонунче 8800 ажыг дыңнадыг кирген, ларның 5200-зү – уруглар болгаш элээдилерден. Эш-өөрү база ада-иези-биле хамаарылгазы баксырааш уруглар долгаар болуп турар.
Өөредилге болгаш профугланыышкын айтырыгларынга хамаарыштыр дилеглер хөйү-биле кирген. Бодунуң амы-тыныга четтинер дээн бодалдарлыг, өг-бүлезиниң азы үе-чергелериниң талазындан каржы-хажагай чорукка таварышкан элээдилерден дыңнадыглар-биле психологтар ажылдап турар. Күштеп-күчүлээшкинге таварышкан элээдилерден, ол ышкаш интернет таварыштыр кыжаныглар алган элээдилер база бар.
Бо медээлер бүзүрел телефону дузалыг болгаш дээштиг дээрзин бадыткаан. Бо албюанның ачызында амыдыралдың берге үелеринде, чүгле чаштар болгаш аныяк өскен эвес, а оларның ада-иелери профессионал психологтардан хүннүң-не, халас болгаш чажыт деткимчени ап турар. Тываның дузаламчы шугумунче 2024 чылда Тываның бүзүрел телефонунч ада-иелерден аңгы-аңгы айтырыгларга хамааржыр 2359 долгаашкын кирген.