Тываның Баштыңы Владислав Ховалыг орус болгаш тыва дылдарда социал четкилерде бодунуң блогунда регионнуң чурттакчыларынга болгаш аалчыларынга Тиилелге хүнү-биле байырын чедирген.
Республика Баштыңы база-ла Кызылга Тиилелге парады бөгүн 10:00 шакта эгелээрин дыңнаткан. Шериг-чаагай марштың дорт дамчыдылгазын «Тува 24» телеканал (https://vk.com/tvtyva) эрттирер.
- Хүндүлүг чаңгыс чер-чурттугларым!
Улуг Тиилелгенин 80 чылы-биле силер бугудеге сеткилим ханызындан изиг байыр чедирип тур мен! Быжыг кадыкшылды, амыр-тайбыңны болгаш чедиишкиннерни күзедим! Тиилекчилерге мөңге алдар!
Биске шуптувуска эң-не чугула болгаш эргим байырлалдарның бирээзи – Улуг Тиилелгениң хүнү-биле сеткилимниң ханызындан байыр чедирип тур мен! Кадыкшылды, амыр-тайбыңны болгаш буянны күзедим! – деп, Владислав Ховалыг бижээн.
Республиканың Баштыңы Кызылга Тиилелге хүнүнүң чыскаалы 10 шакта эгелээрин, «Тува 24» телеканалдың (https://vk.com/tvtyva) дорт дамчыдылгазындан байырлалдың хемчээн көрүп болурун дыңнаткан.
Кызылга 10:00 шакта эгелээр Тиилелге парады база «Өлүм чок полк» акцияның киржикчилериниң чыскаалы май 9-туң байырлыг хемчеглерниң кол болуушкуннары болур дээрзин сагындыраал.