Тывада Ада-чурттуң Улуг дайынынга Тиилелгениң 80 чыл оюнга тураскааткан кол хемчеглер эгелээн

Эртен, май 8-те, Тывага 1941-1945 чылдарда Ада-чурттуң Улуг дайынынга Тиилелгениң 80 чыл оюнга тураскааткан кол хемчеглер эгелээр.

Чаңчыл езугаар Тиилелге хүнүнүң бүдүүзүнде республика найысылалының төп мемориалдыг комплекстеринге, Ада-чурттуң Улуг дайынының маадырларынга тураскаалдарга байырлыг митингилер болгаш боодал чечектер салырының ёзулалдары болуп эртер. Национал театрга болур байырлыг хуралды «ВКонтакте» социал четкиде «Тува 24» телеканалдың арынындан онлайн көрүп болур.

Майның 9-та шериглерниң болгаш «Өлүм чок полк» акциязының киржикчилериниң улуг чыскаалы кол болуушкуннар апаар. “Тыва 24”телеканал бодунуң социал четкилеринге ол хемчеглерниң дорт дамчыдылгаларын организастаар. Оон аңгыда, ол хүн ийи улуг спортчу маргылдаалар – тыва баг адарынга командалыг маргылдаа база тыва хүреш маргылдаазы болуп эртер. Культурлуг хемчеглерде темалыг концерттер, оюн-көргүзүглер болгаш экскурсиялар кирген. Тиилелгениң улуг салюду-биле байырлал доостур.

10.00 шакта Тиилелге шөлүнге – 1941-1945 чылдарда Ада-чурттуң Улуг дайынынга Тиилелгениң 80 чылынга тураскааткан байырлыг митинг;
11.00 шакта “Кызыл кош” тураскаал чанынга – чечектер салыр езулал;
11.30 шакта тыва эки турачылар тураскаалынга – чечектер салыр езулал;
16.00 шакта В.Көк-оол аттыг Национал театрга – Ада-чурттуң Улуг дайынынга Тиилелгениң 80 чылынга тураскааткан байырлыг хурал.

Май 9-та

09.00 шакта Тос-Булакка – Ада-чурттуң Улуг дайынынга Тиилелгениң 80 чылынга тураскааткан кожууннар командаларының аразынга "Тыва ча адар оюн: баг адар хевири" деп тыва ча адарынга республика маргылдаазы;
10.00 шакта Кочетов кудумчузундан Ленин кудумчузунга – Ада-чурттуң Улуг дайынынга Тиилелгениң 80 чылынга тураскааткан парад
10.00-17.00 шакта Алдан-Маадыр аттыг национал музейге – “Шупту чүвени тиилелге дээш” деп темалыг экскурсиялар;
11.00 шакта Кочетов кудумчузундан Ленин кудумчузунга – «Өлүм чок полк» бүгү-российжи акцияның киржикчилериниң чыскаалы;
12.00 шакта «Хүреш» стадионга – Ада-чурттуң Улуг дайынынга Тиилелгениң 80 чылынга база Ада-чурт камгалакчызының чылынга тураскааткан тыва хүрешке республика маргылдаазы;
13.00 шакта vk.com/tyvapuppettheatre шөлүгге – К. Симоновтуң рассказы-биле “Лаа” деп шииниң онлайн көргүзүү;
16.00 шакта «Эне-Сай» культура бажыңынга – «Тиилелгениң бо хүнү!» байырлал концерти;
18.00 шакта В. Көк-оол аттыг Национал театрга – «Дуруяалар» деп шииниң көргүзүү;
19.00 шакта Арат шөлүнге – Аныяктарның кежээки концерти;
22.00 шакта Кызылдың ол талакы эриинге – Ада-чурттуң Улуг дайынынга Тиилелгениң 80 чылынга тураскааткан байырлал салюду.