Тыва Республиканың Экономиктиг сайзырал болгаш үлетпүр яамызының дыңнатканы болза, амгы үеде «Лунсин» даг-тывыш бүдүрүлгези ажылдап турар.
«Российжи саң-хөө компанияларының кыдат банкылар-биле ажылынга санкцияларны улам калбартып база улаштыр ажылдатпас» дээн саң-хөө бергедээшкиннери тургустунганы-биле ажылды түр када тургузар дээн баштайгы шиитпирни кол компания-биле чугаа соонда эде көөр. «Лунсин» КХН-ниң чиңгине директору Ли Кайвень бөгүн Кыдатче ужупкан.
Экономиктиг сайзырал сайыды Аяс Баянның чугаазындан алырга, бүдүрүлгеде ниитизи-биле 1200 хире кижи, оларның аразында тус черниң 800 хире специалистери ажылдап турар. Оон аңгыда күш-ажылчы хамаарылгаларда дең эвес байдал бар. Тыва Республиканың Чазаа байдалды дүүштүрер дээш, Тыва Республиканың Прокуратуразы-биле кады тускай ажылчын бөлүктү тургускан. Амгы үеде бүдүрүлгениң ажылы-биле холбаалыг болуушкуннар демдеглеттинмээн, республиканың Чазаа база чогуур хайгаарал органнары байдалды контрольда тудуп турар.