Республиканың төөгүзүнде чугула базым болу берген онзагай хүн – 2001 чылдың май 6-да чоннуң референдуму-биле Үндезин хоойлуну хүлээп алган. Чурттуң амгы хоойлужудулгазы езугаар, байырлал хүнүнде Россия Федерациязы биле Тываның Күрүне демдектерин регион организацияларының бажыңнарынга болгаш девискээрлеринге азып, киискидерин дааскан.
Республикага ол хүн байырлыг хемчеглер болуп эртер:
Апрель 30-ден май 6-га чедир
Тыва Республиканың Алдан-Маадыр аттыг национал музейинге:
- «Тываның Үндезин Хоойлузунуң төөгүзү» деп темага лекциялар;
- “Тыва Аарат Республиканың 100 чылы” темалыг залга экскурсиялар.
Май 4-тен май 7-ге чедир
А.С. Пушкин аттыг Национал библиотекага:
- «Конституция: Төөгүнүң арыннары» деп темага виртуалдыг ном делгелгези;
- «Конституция: эргелер болгаш хосталганың мададылакчызы» деп темага номнар делгелгези;
- «Тыва Республиканың Үндезин хоойлузунуң арыннарын катап номчуп тура» деп темага флешбук;
- «Тываның Конституциязынче аян-чорук» деп темалыг эрге-хоойлу оюну.
Май 5
Тыва Республиканың Конституция хүнүнге тураскааткан байырлыг хурал: - күрүне шаңналдарын тыпсыры; - Россия Федерациязының хамаатыларының паспорттарын 14 хар чеде берген хамаатыларга тыпсыры.
К.И. Чуковский аттыг Тываның респбликаның уруглар библиотеказынга: - "Чүү? Каяа? Кажан?" деп эрге-хоойлу турнири.
Профессионал өөредилге черлеринге: - сургуулдар аразынга юридиктиг викторина.
Тываның Адвокаттар коллегиязы болгаш Нотариалдыг палатазы «Ажык эжиктер хүнүн» эрттирер.
Националдар херектериниң талазы-биле агентилел даштыкы хамаатылар ортузунга республиканың Үндезин хоойлузунуң дугайында информастыг акцияны организастап эрттирер.
Республиканың школаларынга республиканың Үндезин хоойлузунга тураскааткан юридиктиг кичээлдер, викториналар эртер. Дээди Хурал муниципалдыг эрге-чагырга органнары-биле кады парламент кичээлдерин эрттирер.
Май 6 - республикада дыштаныр хүн.