Россияның субъектилеринде эмчи дузазының чедингирин болгаш шынарын экижидеринче угланган кадык камгалал системазының эде чаартылга программазы-биле Тыва Республиканың Чөөн-Хемчиктиң кожууннар аразының эмнелге төвүнүң хирургия салбырын бүрүнү-биле эде чаартып септээр ажылдар чоруп турар. Хамаатыларның назынын узадырынче угланган “Узун болгаш идепкейжи назын” национал төлевилел-биле программа күүсеттинип турар.
Хуу сайгарлыкчы Иргит У.А. ук объектиде тудуг ажылдарын кылып турар. Тудуг шөлүнде хаара туттунган бедик мергежилдиг 30 специалист бадылаан график езугаар тудуг ажылдарын хандырган.
Ажылдың кол чадалары доозулган, эрги оран-саваның кырын долузу-биле ап каапканындан иштики системаларже кирер арга тургустунган. Чылыг системазын, ооң иштинде батареяларны, хоорзаларны болгаш ооң кезектерин адырган. Ийиги каъттың ханаларында болгаш дээвииринде малгаштарны сүвүрүп арыглап, дараазында тудуг ажылдарынга белеткээн. Ийиги каъттың ханаларындан дой шывыгларны ап каапкан дээш, өске-даа ажылдар кылдынган. Амгы үеде объектиде ажылдар 15 хуу белен.
Төлевилелди боттандырган соонда, амгы үениң негелделеринге дүгжүп турар эмчи дузазынга херек чаартынган инфраструктура туттунар. Аарыг кижилерге-даа, эмчилерге-даа таарымчалыг байдалдар тургустунуп, ажылдың шынарын экижидеринге дөгүм болур.