2026 чылда чаагайжыдар хөй-ниити девискээрлериниң бадылаашкынынга республиканың 27 муң ажыг чурттакчызы киришкенин zagorodsreda.gosuslugi.ru сайты дыңнаткан.
Барыын-Хемчик база Чөөн-Хемчик кожууннарның, ол ышкаш Ак-Довурак хоорайның чурттакчылары эң идепкейлиг болган. "Ленин кудумчузунда кижи кылаштаар оруктуң чаагайжыдылгазы" төлевилел дээш Ак-Довурактың 4700 чурттакчылары соңгаан. Сүт-Хөл болгаш Кызыл кожууннар, республика төвүнүң чурттакчылары олардан тудак чок болган.
"Эргим чаңгыс чер чурттуглар! «Амыдырап-чурттаарынга инфраструктура» президентиниң национал төлевилелиниң «Таарымчалыг хоорай хүрээлеңин хевирлээри» төлевилели-биле чаагайжыттынар хөй-ниити девискээрлерин шилиир бадылаашкын бо үеде чоруп турар. Силерниң үнүңер – бистиң хоорай болгаш суурларывыстың келир үези дээш үн-дүр!" – деп, Тываның Баштыңы Владислав Ховалыг бодунуң блогунда республика чурттакчыларын кыйгырган.
«Таарымчалыг хоорай хүрээлеңин хевирлээри» федералдыг төлевилел-биле 2026 чылда чаагайжыдар хөй-ниити девискээрлерин шилээн бадылаашкын 2025 чылдың июнь 12-ге чедир zagorodsreda.gosuslugi.ru. шөлде чоруп турарын сагындыраал.