Майның 1-ни – чаңчыл езугаар дыштаныр хүн кылдыр чарлаан. Кызылга күш-ажылчы коллективтерниң Май 1 чыскаалы болуп эртер. Оон аңгыда культурлуг программаны белеткээн.
Кызылдың Арат шөлүнге профеcссионал өөредилге черлериниң делгелге экспозициязын сонуургадыр. Найысылалдың чурттакчыларынга болгаш аалчыларынга халас юридиктиг дузаны чедирерин организастаар. Культура болгаш дыштанылганың национал парыгы ээлчеглиг сезонун ажыдып, хөй санныг аттракционнарынче Тываның чаштарын манаар. Частың болгаш Күш-ажылдың байырлалынга тураскааткан чадаң болгаш чимистиг ыяштар делгелге-садыглаашкыны Орус культура төвүнге бүдүн майда хоорайжыларга бараан болур.
Байырлал хүннеринде республика девискээринге арага продукциязын садарын кызыгаарлаан хемчегниң күүселдезинге хыналда рейдилер калбаа-биле болуп эртер.
Майның Бири – Частың болгаш Күш-ажылдың байырлалын Тыва Республикага демдеглээр кол хемчеглерниң планы
Майның 1-де
Арат шөлүнге
10:00 шакта – Тываның профессионал өөредилге черлериниң «Профи-2025» делгелгези;
11:00 шакта – Частың болгаш Күш-ажылдың байырлалынга тураскааткан чыскаал;
12:00 шакта – Частың болгаш Күш-ажылдың байырлалынга тураскааткан байырлал концерти.
Кызыл хоорайда Аныяктар сесерлиинге
10:00 шакта – «Миру мир» фестиваль.
Тыва Республиканың Культура болгаш дыштанылганың национал парыгынга
14:00 шакта – Частың болгаш Күш-ажылдың байырлалынга тураскааткан чогаадыкчы сезоннуң база аттракционнар ажыдыышкыны.
В.С. Биче-оол аттыг «Хүреш» стадионунга
13:00 шакта – Шыырак мөгелер аразынга тыва хүрешке республика маргылдаазы.
Майның 1- 11-де
Бажыңында социал хандырылга хайгааралында назылап кырааннарга «Ачы-буянның часкы неделязы» акция.
Майның 4-те
Тываның күрүнениң ойнаар-кыстар театры
13:00 шакта – «Арт» деп шии.