Бөгүн Россия Федерациязының Президентизиниң Сибирь федералдыг округда бүрүн эргелиг төлээзи Анатолий Серышев РФ-тиң Президентизиниң 2023 чылдың май 29-та «Россия Федерациязының Президентизиниң федералдыг округтарда бүрүн эргелиг төлээлериниң база Россия Федерациязының Шериг-үлетпүр комиссиязының кады ажылдажылгазының чамдык айтыргларның дугайында» №390 чарлыы-биле айыттынган сорулгаларны күүедириниң талазы-биле ажылчын бөлүктүң хуралын эрттирген.
Күрүнениң камгалал чагыын күүседир бүдүрүлгелерге дуза чедирерин бүрүн эргелиг төлээ бодунуң доктаамал контролюнда алган. Округтуң регионнарынга ажыл-агыйжы сургакчылаашкын үезинде бүдүрүлге чорудуу-биле таныжып, бүдүрүлгелерниң удуртукчулары, ажылдакчылары-биле ужуражып турар. «Күрүне эрге-чагырга органарының төлээлери адырның бүдүрүлгелерин доктаамал деткип, күрүне баштыңының айытканы национал хөгжүлде сорулгаларын чедип алырынга оларның улуг ролюнуң дугайында утпас дээрзинге бүзүрээр мен» - деп, бүрүн эргелиг төлээ демдеглээн. Камгалал үлетпүрүнүң бүдүрүлгелеринде ажылдарны чаартыр дээш, инвестиция төлевилелдерин боттандырарынга бүгү-ле дузаны чедирери ылаңгыя чугула деп, ол чугаалаан.
Ажылчын бөлүктүң хуралының үезинде, кадрлар айтырыгларын шиитпирлээриниң аргаларын сайгарып, мурнакчы арга-дуржулгалар солчулгазын чоруткан. Камгалал үлетпүр бүдүрүлгелери ажылдаарынга таарымчалыг байдалдарны тургузарынче угланган социал угланыышкынныг политиканы боттандырып турары демдеглеттинген. Аныяк специалистерни хаара тударынче онза кичээнгейни угландырган – дээди өөредилге черлеринче тускай сорулгалыг шилилдени чорудуп, ортумак тускай өөредилге черлери-биле үре-түңнелдиг кады ажылдажылга тургустунган. Бүдүрүлге ажыл-чорудулгазынга эң-не хереглелдиг угланыышкыннары-биле «Профессионализм» программазынче чамдык заводтар кирген.
Камгалал үлетпүр бүдүрүлгелеринде оларның ажылынга деткимче көргүзер күжениишкиннерни дүүштүрер сорулаг-биле, 2023 чылда ажылчын бөлүк тургустунган. Ооң составында Сибирь федералдыг округтуң субъектилериниң дээди албан-дужаалдыг кижилери, Россия Федерациязының Үлетпүр болгаш садыг яамызының чогуур департаментилериниң удуртукчулары, корум-чурум камгалаар болгаш контроль органнары, бүдүрүлгелерниң директорлары болгаш кол федералдыг инспекторлар кирип турар. Бөлүктүң кежигүннери камгалал үлетпүрүнүң бүдүрүлгелеринде инвестиция төлевилелдерин боттандырарынга, курлавырлар болгаш кадрлар хандырылгазын боттандырарынга деткимче көргүзери-биле холбашкан айтырыгларны ажылдаар.