Бо чылын Тыва Республиканың чуртталга-коммунал ажыл-агыйы 80 чылын демдеглеп эрттирип турар. Улусчу чогаадылга бажыңынга ол тураскаалдыг хүнге тураскаадып байырлыг хурал болуп эрткен. Регионнуң Баштыңы Владислав Ховалыг юбилейи-биле адырның хоочуннарынга болгаш мурнакчыларынга байырын чедирген. Регионалдыг чуртталга-коммунал ажыл-агыйын тургузуп хөгжүдеринге улуг үлүг-хуузун киирген ажыл-ишчилерге күрүне болгаш ведомство шаңналдарын тывыскан.
Владислав Ховалыг байыр чедиргеш, адырның ажылы кончуг херек, чүге дизе суг, чылыг, чырык, газ, чунар-бажың, баш таарар черлер чокка чаңгыс-даа кижи, кандыг-даа чурттакчылыг чер шыдавас дээрзин демдеглээн. “Силерниң ачыңарда хамаатыларның бажыңнары чырык болгаш чылыг-биле хандыртынып, бүдүрүлгелер, эмнелгелер, школалар, уруглар садтары үзүктел чок ажылдап турар" – деп, Баштың демдеглээн.
Совет Эвилелиниң Тыва автономнуг облазында 1945 чылда бүдүн үлетпүрнү тургузарының, калбартырының болгаш экижидериниң эгезин салган коммунал ажыл-агый килдизин организастаан. Сөөлгү чылдарда Тывада чаагайжыттынган чуртталга бажыңнары, курлавыр хандырылгазының улуг бүдүрүлгелери, инженер четкилери болгаш өске-даа коммунал инфраструктура объектилери туттунган. Бөгүн республиканың чуртталга-коммунал ажыл-агый комплекизи шапкын хөгжүп, амгы үениң технологияларын ажылче киирип, улуг хемчээлдиг төлевилелдерни боттандырып турар.
Федералдыг кураторларның деткимчези-биле республикада суг хандырылга адырында улуг төлевилелдер боттанып эгелээн: Шагаан-Арыг хоорайның суг чыыр чери эде чаартынган, Ак-Довурак хоорайның суг чыыр база суг шугумун эде чаарткан, Хову-Аксы суурда суг чыыр болгаш улуг суг шугумун туткан, Кызылдың “Иркутский” микрорайонунда базыышкынын улгаттырар насос станциязын, Каа-Хем хоорай хевирлиг чурттакчылыг черде “Преображенский” биле “Радиостанция” ийи чаа микрорайоннарны, 825 олуттуг чаа школаны база “Победа” спорт-культура төвүн арыг ижер суг-биле хандырар дамчыдылга четкилерлиг суг черин туткан.
Чылыдылга ажыл-агый бүдүрүлгелерин чаартыр талазы-биле ажылдар доктаамал чоруп турар. Регионалдыг оператор-биле кады кадыг боктар сөөртүлгезин организастаар элээн каш хемчеглерни чорудуп турар. Коммуналдыг техника парыгы чаартылгада. Чүгле бо чылда 210 млн. рубльди бок төгер машиналар садып алырынче планнаан.
Владислав Ховалыг бедик арга-дуржулгалыг, билиглиг, харыысалгалыг, тускай мергежилдиг ажылчыннары-биле ажыл-агыйның чедиишкиннерни чедип алганын демдеглээн.
— Чуртталга-коммунал ажыл-агый системазында болгаш амыдырал-хандырылга адырында ажылдап турар кижилер кезээде улуг харыысалгалыы, ажылынга бердингени, бедик мергежилдии, ачы-дуза культуразын бедидер күзелдии-биле ылгалдыг. Ажылыңарны билир, аңаа ынак болгаш сеткилиңерден кылып чоруур силер – деп, ол чугаалаан.
Республиканың Баштыңы чуртталга-коммунал ажыл-агыйының амгы ажылдакчыларынга болгаш хоочуннарынга өөрүп четтиргенин илереткеш, оларга кадыкшылды, аас-кежикти, чедиишкиннерни күзээн.
Республиканың чуртталга-коммунал ажыл-агыйының беш ажылдакчызы Россия Федерациязының Тудуг болгаш чуртталга-коммунал ажыл-агый яамызының ведомство шаңналдарынга төлептиг болган.
Россия Федерациязының Тудуг болгаш чуртталга-коммунал ажыл-агый яамызының Хүндүлел бижии-биле күш-ажылчы ачы-хавыяазы болгаш үр үеде ажылы дээш «Водоканал-Сервис» КХН-ниң бүдүрүлге-техниктиг килдизиниң начальниги Бикбаев Дмитрий Анатольевич база Кызыл хоорайның “Чаагайжыдылга” МУБ-туң чүдүрүкчүзү Соян Монгун-оол Ичий-оол шаңнатканнар.
Россия Федерациязының Тудуг болгаш чуртталга-коммунал ажыл-агый яамызының Өөрүп четтириишкин бижиин бедик бүдүрүкчү чедиишкиннери болгаш үре-түңнелдиг күш-ажылы дээш «Центр» ЧЭЭ БК КХН-ниң 5-ки разрядтың слесарь-сантехниги Хомушку Эдуард Кан-ооловичге, бүдүрүлге-техника килдизиниң инженери Ооржак Марсиана Дондуповнага, “Чаагайжыдылга” МКА-ның транспорт цегиниң фельдшери Ондар Лариса Шыыраповнага тывыскан.
Тыва Республиканың Баштыңының Өөрүп четтириишкинин чуртталга-коммунал ажыл-агый адырында хөй чылдарда ак сеткилдиг күш-ажылы дээш:
“Водоканал-Сервис” КХН-ниң арыглал дериглериниң 3-кү разрядтың оператору Таржа Тимур Васильевичиге;
«Бай-Хаак чылыг» КХН-ниң кол бухгалтери Астанина Елена Михайловнага;
«Транспорт сервизи болгаш төлевилели» КУБ-туң диспетчер албаны болгаш логистика килдизиниң начальниги Ховалыг Аяна Норбуовнага, хөмүр-даш садып-саарар килдизиниң начальниги Шестакова Анастасия Владимировнага;
Ак-Довурак хоорайның ЧКА хөй адырлыг бүдүрүлгениң бухгалтери Бегзи Лариса Хертековнага;
«Строитель ЖКХ» КХН-ниң газ-электри дуңзаалакчызы Салчак Эртине Эрес-ооловичиге;
«Чаагайжыдылга» МКА бүдүрүлге-техниктиг килдистиң начальниги Олчей Орлан Бургут-ооловичиге;
Тыва Республикада хөй аалдыг бажыңнар капитал септелгезиниң коммерцияга хамаарышпас фондузунуң чиңгине директорунуң албан-хүлээлгезин күүседип турар Кенден Алдынай Владимировнага, өнчү ээлери-биле ажылдаар килдистиң начальниги Монгуш Чечена Сергеевнага, кол бухгалтери Шожап Анай-Хаак Борисовнага чарлаан.
Тыва Республиканың Баштыңының Хүндүлел бижии-биле чуртталга-коммунал ажыл-агый адырында хөй чылдарда ак сеткилдиг күш-ажылы дээш:
- «Ангарский» ЧЭЭ БК КХН-ниң секретары-херектер эмгелекчизи Монгуш Нина Долгай-ооловнаны;
- Тыва Республиканың ЧКА яамызының чуртталга-коммунал ажыл-агый килдизиниң башкарыкчы эксперти Сарыглар Ирина Кан-ооловнаны;
- «Бай-Хаак чылыг» КХН-ниң чиңгине директору Геец Владимир Алексеевичини;
- Ак-Довурак хоорайның чуртталга-коммунал ажыл-агыйы хөй адырлыг бүдүрүлгениң чолаачызы Сарыглар Геннадий Дуктуговичини;
- “Чаагайжыдылга” МКА-ның чолаачызы Охотников Олега Леонидовичини шаңнаан.