Мөөрейге 7 хардан өрү назылыг, күзелдиг кижилер киржип болур. Россия Федерациязының Президентизиниң «Чаңчылчаан орус сүлде-сүзүк болгаш мөзү-шынар үнелиг чүүлдерин кадагалап, быжыглаарының дугайында күрүне политиказының үндезиннерин бадылаар дугайында» Чарлыының сөзүглелин, тайылбырлыг сөстүктерни болгаш немелде чогаалдарны ажыглап тургаш, чаңчылчаан орус үнелелдерни өөренирин саналдап турар. Ол үнелиг чүүлдерниң чуртка чугулазын илередип турар бодунуң чогаадылгазын, амыдыралда чаңчылчаан орус үнелиг чүүлдерни көргүскен ажыл-чорудулгалыг ажылдарны кылыр.
Мөөрейже ажылдарны «Чаңчылчаан орус үнелиг чүүлдер дугайында төөгү» (таныштырылга арыны), «Чаңчылчаан орус үнелиг чүүлдер кадрларда» (видеоклип), «Чаңчылчаан орус үнелиг чүүлдер чурукта» деп үш угланыышкынның бирээзинче киирер.
Мөөрейниң организакчызы – «Уруглар болгаш аныяктар сайзыралының болгаш кижизидилгезиниң инновация төвү» АНО бүгү-российжи болгаш делегей чергелиг патриотчу мөөрейлерни сес чыл дургузунда эрттирип турар. Жюри кежигүннеринде Күрүне Думазының вице-президентизи Анна Кузнецова, дипломат Мария Захарова, митрополит Викентий, российжи аян-чорукчу Фёдор Конюхов болгаш өске-даа билдингир хөй-ниити база политиктиг ажылдакчылар кирип турар. РФ-тиң Күрүне Думазынга, Христос Камгалакчының соборунга болгаш өске-даа ужур-уткалыг черлерге тиилекчилерни шаңнап мактаары чаңчыл апарган.
Мөөрейниң эң-не тергиин ажылдарын федералдыг шөлдерге көргүзүп, Россияның чоннарының культуразын болгаш чаңчылдарын даштыкыга нептередиринге ажыглаар.
Мөөрейниң шупту киржикчилери сертификаттарны алыр, а тиилекчилерни Москага болур байырлыг хемчегче чалаар. Ажылдарны 2025 чылдың октябрь 20-ге чедир www.youthy.ru сайт таварыштыр хүлээр.