Хөй-ниити чөвүлелиниң кежигүнү Алесия Бажина «Тываның маадырлары» регионалдыг программа төлевилелиниң сорулгазын сайгарып, кадрлар айтырыын шиитпирлеринге ТШО-нуң киржикчилерин болгаш хоочуннарын хаара тудар дээн шиитпирниң чугулазын демдеглээн. Тускай шериг операциязының маадырларының хөй кезииниң удуртуп-башкарар арга-дуржулгазы бар, ат-алдарлыг база бүрүн эргелерин боттандырып билир болганындан, улуг аргаларлыг. Олар башкарылга чорудуунга Стратегтиг үзел-бодалы, берге байдалдарда шыдамык чоруу болгаш нарын үелерде шиитпирлерни дүрген хүлээп алыры оларның удуртулга ажылынга ажыктыг. Ол чүүл регион деңнелинге башкарылга айтырыгларын шиитпирлээринге дузалаар, а төлевилел боду хоочуннарның социал адаптациязынга дузалаар.
"Тываның маадырлары" кадрлар программазы” бистиң республикавысты хөгжүдеринге дузалыг. Тываның Баштыңы Владислав Ховалыг Дээди Хуралга бодунуң Айыткалында ол программаның мурнады ажылдадырын айыткан. Бистиң маадырларывыстың арга-шинээн ажыдарынга, оларга тайбың амыдыралга чаңчыгарынга дузалап, келир үеде ажыл-чорудулгага херек чаа мергежилдерни болгаш арга-дуржулгаларны чедип алырынга дээштиг арга апаар. Тускай шериг операциязының үезинде алган арга-дуржулгазы, билиглери, удуртукчу шынарлары Тыва Республиканы хөгжүдеринге үнелиг курлавыр болур ужурлуг. “Тываның Маадарлыры” программа бистиң республиканың болгаш бүгү чурттуң чаагай чоруу дээш чаа-чаа чедиишкиннерге болгаш тиилелгелерге тепкииш апаар ужуруг» - деп, Алесия Бажина демдеглээн.