Бүгү-делегейниң херээженнер хүнүнүң республика планында информастыг-чырыдыышкын, культура-хөглээшкинниг болгаш социал-профилактиктиг үш он хире хемчеглер кирген. Тываның Чазааның Даргазының оралакчызы Олег Лукинниң удуртканы республиканың оргкомитеди Март 8-ке тураскааткан республикага болур эң улуг хемчеглерниң даңзызын бадылаан.
Өөредилге черлеринге Бүгү-делегейниң херээженнер хүнүнге тураскааткан фото-челленджтер, лекциялар, акциялар эртер. Ол хүннерде немелде өөредилге төптеринге тыва херээженнерниң каасталгазы «Чавага» кылырынга мастер-класстар болур. Тыва херээжен улуска бо эдилел онзагай уткалыг. Херээжен кижи амыдыралының чугула үелеринде чаваганы ажыглап, салгалдан салгалче ону дамчыдып чораан. Каасталга өг-бүлениң өнчүзү кылдыр кадагалаттынар. Амгы үеде тыва өг-бүлелерде чаваганы кылып, ону ажыглаар чаңчылдарны катап эгидип эгелээн.
Республиканың культура албан черлери, чогаадыкчы каттыжыышкыннар болгаш билдингир күүседикчилер Март 8-ке тураскааткан улуг байырлал концерттерин белеткээн.
Байырлалдың организаторлары херээжен чоннуң идепкейлиг дыштанылгазын база эрттирер. Херээжен командалар аразынга спартакиадалар болур, ол ышкаш ГТО нормаларын дужаарынче чалап турар.
Херээжен чоннуң кадыынче сагыш салган хемчеглер база планда кирген. Консультацияларны, чажыт эмчи дузазын, шинчилгелерни организастаар. Март 6-дан 8-ке чедир Перинаталдыг төпке болгаш республиканың шупту кожууннарында чаа төрүттүнген кыстарны божудулга бажыңнарындан байырлыг байдалга үндүр бижиир.
Бүгү-делегейниң херээженнер хүнү – Март 8-ке тураскааткан хемчеглер планы
Февральдың 26 – март 5
«Чавага кылыр чогаадыкчы мастерская» мастер-класстар, немелде өөредилге черлеринге.
«Энерелдиг энем (авам, угбам, даай-авам, кырган-авам)» фото-челлендж – өөредилге черлеринге.
Марттың 1 - 7
«Марттың 8-зи-биле байыр чедирип тур бис – орук шимчээшкининиң чурумнарын хажытпаалыңар!» деп республиканың профилактиктиг акциязы – Тываның чурттакчылыг черлеринге.
Марттың 3 - 9
Бүгү-делегейниң херээженнер хүнүнге тураскааткан «Сарыг шажын музейиниң коллекциязында херээжен бурганнар» лекция (чагыглар езугаар) - «Тубтен Шедруб Линг» хүрээзи, хүрээниң музейи.
Марттың 3-7
Божуур назылыг херээженнерге «Иштиг кижиниң психологтуг ылгавыры» деп темага консультация – Кызыл хоорайның херээженнер консультациязы, Чульдум, 42.
Марттың 5-7
«Тыва Арат Республика база Тыва Республиканың алдарлыг херээженнериниң дугайында» делгелге - профессионал өөердилге черлериниң библиотекаларынга.
Марттың 6
«Часкы номнар боодалы» электроннуг таныштырылга (онлайн) – А. С. Пушкин аттыг ТР-ниң Национал библиотеказынга.
Херээжен чонга чажыт психологтуг дуза чедирилгези – Республиканың психиатрия эмнелгезинге.
10.00-15.00 – көжүп чоруур мобильдиг комплекстерге херээжен чонга маммография, флюорография - «Гаруда» садыг төвүнүң чанынга.
14.00 – Кадыкшылы кызыгаарлыг уруглар кижизидип турар аваларга «Авай деп кайгамчык сөс!» концерт – А.С. Пушкин аттыг Национал библиотеканың номчулга залынга.
Тускай шериг операциязының киржикчилериниң өг-бүлелеринден херээженнер аразынга социал керээ-биле күрүне деткимчезин бээр төлевилелдер мөөрейи – Тыва Республиканың Чонну ажылга хаара тудар төвүнге.
16.00, 19.00 – Айдын Монгуштуң (Ишкин оглу) ачы-буян концерти – ТР-ниң Национал театрынга.
Марттың 7
«Херээжен чогаалчы» виртуалдыг номнар делгелгези – А.С. Пушкин аттыг ТР-ниң Национал библиотеказынга.
"Тываның иелериниң ыдыктыг сагыгларынга" кижизидилге шагы – профессионал өөредилге черлеринге.
10.00 – Тыва Республиканың херээжен коллективтериниң спартакиадазы, «ГТО» нормазын дужаары – И. Ярыгин аттыг спорт комплекизинге.
15.00 – Бүгү-делегейниң херээженнер хүнүнге тураскааткан байырлал концерти – ТР-ниң Национал театрга.
15.00 – «Амгы үениң тыва херээжени – кымыл ол?» дискуссия клуву – Аныяктар ордузунга, шил зал (Кочетов, 72).
17.00 – Ойнаар-кыстар театрының артизи Уран Анай-ооловна Монгуштуң «Бүдүүде…Бүдүү» деп юбилейлиг концерти – Тываның күрүнениң ойнаар-кыстар театрынга.
17.00 – «Ишти-хөңнүм белээ кылдыр иелерге аян тудаал» деп тыва культура төвүнүң концерти – Чаа-Хөл суурнуң культура бажыңынга.
18.00 – «Часкы фиеста» байырлал концерти – В. Халилов аттыг Тываның күрүне филормониязынга.
18.00 – Март 8-тиң байырлал концерти – Кызыл хоорайда Спутник мкр-да Культура сайзыралының төвүнге.
19.00 – «Саяннар» хөгжүм болгаш танцы театрының байырлал концерти – ТР-ниң Национал театрынга.
Марттың 8
«Часкы хөөннүң ырызы сырынналзын» номнар делгелгези – А.С. Пушкин аттыг Национал библиотекага.
Бүгү-делегейниң херээженнер хүнү-биле херээжен чонга музейже халас кирер акция – Алдан-Маадыр аттыг Национал музейинге.
Республиканың аныяктар каттыжыышкыннарының “Силерге, ынактарым” деп бүгү-российжи акция – Арбат шөлүнге.
55-ки гвардейжи мотоадыгжы бригаданың (аңгы) шериг албанныгларындан херээжен чонга чечектер сунар акция – Арбат шөлүнге.
15.00, 18.00 – Тыва Республиканың улустуң артизи Борбак-оол Салчактың концерти – Национал театрга.
15.00 – Тыва Республиканың алдарлыг артистериниң база улустуң хөөмейжилериниң киржилгези-биле «Сылдыстар дег кыстарга» деп байырлал концерти – Улусчу чогаадылга бажыңынга.
17.00 – Белек Бавуунуң В. Тока аттыг симфониктиг оркестрниң киржилгези-биле «Чараш кыска» деп концерти – В. Халилов аттыг Тываның күрүне филармониязынга.
18.00 – Тываның национал оркестриниң киржилгези-биле Тыва Республиканың алдарлыг артизи А.С. Седииниң «Херээженнерге чечектерден сөңнеңер» деп концерти – Кызыл хоорайда Спутник мкр-да Культура сайзыралының төвүнге.
Марттың 11
19.00 – концерт «Саяннар» хөгжүм болгаш танцы театрының «Магаданчыг ырылар» деп концерти – ТР-ниң Национал театрынга.
Марттың 14
12.00 – «Эргим, ынак болгаш кайгамчык кыстарга» байырлал концерти – И.Г. Сафьянов аттыг орус культура төвүнге.