Эргим эштер! Хүндүлүг хооочуннар! Ада-чурт камгалакчызының хүнү-биле силерге байыр чедирип тур мен! Бо байырлал Россияның хамаатыларының боттарының камгалакчыларынга – Россия күрүнезиниң төөгүзүнде чуртувустуң сонуургалдарын болгаш төрээн черинге амыр-тайбыңны туруштуг болгаш коргуш чок маадырлыг камгалап чоруур дайынчыларга хүндүткелди илереткен хүн.
Россия Федерациязының Президентизи Владимир Путинниң эгелээшкини-биле өгбелеривистиң болгаш үе-чергелеривистиң маадырлыг чоруунга сактыышкын кылдыр 2025 чылды Ада-чурт камгалакчызының чылы кылдыр чарлаан.
Ада-чуртка шынчызы болгаш бараан болуру, ооң келир үези дээш шиитпирлиг харыысалга – российжи ниитилелди эвилелдештирген эң үнелиг чүүлдер дээрзин тодазы-биле билип турар бис.
Ада-чурттуң Улуг дайынының чылдарында фашизмни чылча шапкан тиилекчилерниң салгалынга бо хүнде эң-не чылыг сөстерни чугаалап турар. Силер салгалыңарга шынчы эрес-дидим чоруктуң үлегерин кезээ мөңгеде арттырып каан силер. Кырган-ачаларыңарның болгаш өгбелериңерниң чагыын эдерип, тускай шериг операциязының мурнуку одуруунда шериглер болгаш офицерлер, эки турачылар болгаш мөөңнеттинген хамаатылар болуп, Россияның амыр-тайбыңын, айыыл чок чоруун болгаш хөгжүлдениң быжыг магадылалын берип, төөгүлүг девискээрлеривисти хостап, нацистер-биле эрес-дидим тулчуп чоруур.
Салгалдан салгалче дамчып келген Төрээн чуртка, Ада-чуртка кызыгаар чок ынакшыл – эгээртинмес сагыш-сеткил күжүнүң дөзү болгаш кандыг-даа шенелделерге бүзүрелдиг удуртукчу болуп чоруур. Ынчангаш аңгы-аңгы назы-харлыг, нациялыг, шажын чүдүлгелиг миллион-миллион кижилер чүрээниң кыйгызын эдерип, Ада-чурттуң камгалакчызы болур улуг шериг хүлээлгени бодунга алган маадырларны деткип, дайынчыларывыска дузалап чоруурлар.
Келир үеде Тиилелгевистиң үндезини чаңгыс демниг чоруувуста дээрзинге бүзүрээр мен!
Эргим эштер! Сорулгаларыңарже быжыг базып, чаа чедиишкиннерни чедип алырыңарны күзедим. Силерге болгаш чоок кижилериңерге, силерге бүзүрээр, силерни манап чоруур ынак улузуңарга кадыкшылды болгаш чаагай чорукту күзедим.
Аас-кежиктиг болуңар! Тиилелге бистии болур!
Россия Федерациязының Президентизиниң Сибирь федералдыг округда бүрүн эргелиг төлээзи Анатолий Серышев