Тываның Баштыңының Донецк Улус Республикада Авдеевка деп суурну эжелеп алырынга шылгараан российжи шериглерниң 55-ки гвардейжи аңгы мото-адыгжы бригаданың шериглери, тускай шериг операциязының киржикчилери-биле Ада-чурт камгалакчызының хүнүнүң бүдүүзүнде.
Ужуражылгага аңгы-аңгы кезектерден дайынчылар киришкен. Оларның бирээлери шөлээлеп, чамдыктары халажып азы дайынчы хөделиишкиннер хоочуну деп эрге-байдалды алгаш, шуут чанып келгеннер база бар. Бо ужуражылга мурнунда дайынчылар-биле аңгы-аңгы байдалдарга таварышкылаанын Владислав Ховалыг демдеглээн.
ТШО эгезинде-ле Владислав Ховалыг-биле таныш чораан база амдыгаа чедир ооң-биле харылзажып чоруур дайынчы Сат эштерин таныштырган. Кижи бүрүзүнүң дайынчы эрткен оруу, аңгы-аңгы кезектерге албан хүлээлгези, балыгланганы база үнелеткен шаңнал-макталдарның төөгүзү дөмей эвес.
Ужуражылганың киржикчизи эмчи мынча деп бодун таныштырган: «Ийи тыва эмчи бар бис. Мен биле Эрес Эртинеевич. Республиканың 1 дугаар эмнелгезинге ийилээ ажылдап эгелээн бис. Эрес Эртинеевич – анестезиолог, наркоз бээр, мен – кезер эмчи мен. Окончил медицинскую Эмчи академиязын 2010 чылда дооскан мен. Ординатурага өөренгеш, маңаа, республика эмнелгезинге чеди чыл ажылдадым».
Чолаачы Чаян «таблетка» мунукчузу. Балыгланган оолдарны өскээр көжүрер даалга алгаш, FPV-дрон халдаашкынынга база таварышкан. Дрон мурнуку шилди өткеш, шала кудулдур киргеш, өршээлдиг болган: балыглангаш, дириг арткан.
Тываның Баштыңының ТШО айтырыгларының талазы-биле тускай төлээзи Тимур Куулар чугааның чамдык киржикчилерин таныштырган:
«Аяс Авдеевканы хостажып тургаш аар балыгланган. “В” категория, азы керээзиниң хуусаазы төнгени-биле халашкан. Бо ужуражылга эгелээр мурнунда, кыштаа барын, ада-иези бүгү назынында малычнап чораан болгаш «Агромотиватор» грантыга киржиринге беленин чугаалады. Боду дыка пөрүк кижи».
Амгы үеде ооң даалгазы-биле, президентиниң “Маадырларның үези” деп төлевилели ышкаш республика төлевилелин ажылдап кылып турарын республиканың Баштыңы чугаалаан.
- Төрээн чурту, Тывазы дээш тулчуп, ол кандыг чүвел деп чүвени эки билир улус аңаа киржир хей-аъттыг боор силер деп, билип тур мен. Бодунуң чуртунуң, бодунуң төрээн чериниң хөгжүлдезинге чүнү канчаарын билир силер. Республиканың чаагай чоруу дээш ажылдаарынга белен езулуг патриоттар силерге идегеливис улуг – деп, Владислав Ховалыг чугаалаан.
Тываның ниитилел-политиктиг амыдыралынга шериг албанныгларны чедимчелиг киириштиреринге идигни бээр программаны ажылдадырынга боттарының санал-оналдарыңарны киириңер деп, республиканың удуртукчузу дайынчыларга саналдаан.
Ужуражылганың киржикчилери доктаамал дузалажып чоруур дээш республиканың баштыңынга четтиргенин илереткеш, чугула херек чүүлдерниң ээлчеглиг даңзызын дамчыткан. Владислав Ховалыг чаңгыс чер чурттугларының чагыгларын күүседирин аазаан.