Февраль 21-де 15:00 шакта Тываның Национал хөгжүм-шии театрынга Ада-чурт камгалакчызының хүнүнге тураскааткан байырлыг хурал болуп эртер. «Тыва 24» телеканал театрдан дорт дамчыдылганы эрттирип, бодунуң көрүкчүлерин хаара тудар. Төрээн чуртун камгалап, ол дээш тулчуп чораан кижилерге мөгейигни болгаш хүндүткелди илередип турар улуг ужур-уткалыг болуушкун болур.
Дорт дамчыдылганы Тываның Баштыңы Владислав Ховалыгның ВКонтактеда vk.com/vladislavkhovalyg деп социал четкиде албан езузунуң арнынга салыр, ооң ачызында кижи бүрүзү бо чугула болуушкуннуң киржикчизи болуп, байырлалды көөр.