Главная
Пресс-служба
Медээлер

Тываның Чазаа назы четпээннерниң киржилгези-биле болган херекти контрольда алган

05.02.2025 12:26

Тыва Республиканың Чазаа социал четкилерде регионалдыг бөлүктерде тараан, школачы уругну күштээр деп турар элээдилерлиг видеобижидилгеге хамаарыштыр херекти контрольда алган.

Тываның Чазааның Даргазының оралакчызы Орлан Сарыгларның даалгазы-биле, назы четпээннер херектериниң талазы-биле ведомстволар аразының комиссиязы хыналданы организастаанының түңнелинде, видеода тырттыртынган элээдилер Барыын-Хемчик кожуунда чурттап турары билдинген. Өг-бүлелер учетта турбайн турар. Болган болуушкунну тодарадыры-биле назы четпээннерни ада-иелери – хоойлу езугаар төлээлери-биле Барыын-Хемчик кожууннуң полиция салбырынче эккелген. Хыналданың түңнели-биле оларның үүлгедиинге онааштыр хоойлу езугаар үнелелди бээр.