Парламент даргазы Каң-оол Даваа Тываның Баштыңы Владислав Ховалыгның Дээди Хуралдың депутаттарынга Айыткалынга хамаарыштыр бодунуң бодалын илереткен. Регионнуң удуртукчузу бодунуң кыйгырыынга эрткен чылдың түңнелдерин тода болгаш ажык түңнеп, 2025 чылда бистиң чуртувус Ада-чурттуң Улуг дайынынга Тиилелгениң 80 чылын демдеглээр Россияга улуг ужур-уткалыг чыл деп демдеглээн.
«Айыткал тускай шериг операциязының киржикчилерин деткиири дээн ышкаш бистиң республикага эң-не чугула айтырыгларны көдүрген» - деп, Каң-оол Даваа чугаалаан. – Шериг албанныглар база оларның өг-бүлелери-биле ажыл – бөгүнде мурнады боттандырар айтырыг. Балыглангаш чанып келген оолдарның дугайында база ажылдаары чугула. Дайынчыларның эртем-билиг чедип алырынче, оларны ажылга тургузарынче онза кичээнгени углаар даалга салдынган".
Тускай шериг опреациязының киржикчилеринге федералдыг "Агромотиватор" грантызын бээр дээн чаа деткимче өөрүнчүг медээ болду деп, Даваа чугаалаан. для участников спецоперации. Ол аграhлыг секторга ажылдаар арганы шериг хоочуннарынга бээр. Бо программа Тывага дыка херек, ынчангаш ук төлевилелдиң нормативтиг эрге-хоойлу дүрүмүн ажылдап кылыры – парламентиниң ажылы болур деп, спикер демдеглээн.
Ол хемчеглер-биле чергелештир, Ада-чурттуң Улуг дайынының киржикчилерин болгаш инвалидтерин, ол ышкаш оларга деңнештирген кижилерни деткир аза чугула, деп спикер чугаалаан.
Кан-оол Даваа Айыткалда айыткан эрткен чылда республиканың экономиктиг хөгжүлдезинде чедиишкинниг үре-түңнелдерни, тудуг болгаш орук адырларында бедик көргүзүглерни демдеглээн.
"Президентиниң республикага аалдап келгени Тывага онзагай болуушкун болган. Ол чиигелделиг ипотека программазын узадырын чөпшээрээн. Республиканың удуртулгазының болгаш Тываның чазааның ажылы күрүне баштыңының үнелелин алган" - деп, Каң-оол Даваа чугаалаан .