Декабрь 30-де, Тываның Баштыңы Владислав Ховалыг Чаа чыл байырлалдарының дыштанылга хүннеринде чылыг-энергетика, чуртталга-коммунал болгаш кадык камгалал, культура болгаш спорт организацияларының чылыг-биле үзүктел чок хандырылгазы дээш өске-даа айтырыгларынга хамаарыштыр республиканың Чазааның хуралын эрттирген. Ыраккы кожууннарда одаар чүүлдүң, дизелдьдиг кывар-чүүлдүң четчир курлавырын хандырары – кол кичээнгейде.
Муниципалитеттер удуртукчуларының илеткелинден алырга, кожууннарның көвей кезии одаар чүүлдү курлавырлап алган. Эмнелгелер, школалар, көдээ культура бажыңнары богаш спортчу объектилер хөмүр-биле хандыртынганын яамылар илеткээн.
Чаа чыл байырлалдарында кадык камгалал организациялары аарыг кижилерни хүлээр. Муниципалдыг тургузуглар культурлуг болгаш спортчу хемчеглерни планнаан.
«Күүсекчи эрге-чагырга органнарының удуртукчулары хайгааралга алган кожууннарның чагырга даргалары-биле сырый харылзаага турар ужурлуг. Сургакчылаашкыннарының дугайында отчеттаарын дугуруштувус, ол чорааш чүгле оперативтиг байдалды эвес, а дыштанылга хемчеглериниң шынарын база хынаар. Президентиниң национал төлевилелдери болгаш республика программалары-биле суурларда материал-техниктиг баазаны элээн чаартып, социал объектилерни тудуп, чаартып шыдаан бис. Бо бүгүнү, бир дугаарында, чурттакчы чонувус хостуг үезин ажыктыг эрттирип азын дээш, эптиг байдалдарны тудуп кылган» - деп, Владислав Ховалыг онзалап демдеглээн.