Хүндүлүг сибирьжилер! Кел чыдар Чаа чыл-биле сеткилимниң ханызындан байыр чедирип тур мен! Бо эки байырлалда чоок кижилеривис-биле үени эрттирерин кызып, чылдың түңнелдерин үндүрүп, келир үеже кады планнарны бодап, бот-боттарывысты сагыш човаашкын болгаш чылыг-чымчак сеткил-биле уткуур бис.
Эрткен чыл болуушкуннар-биле байлак болган. Дыка хөй бергелерни кады ажып эртип, демниг чорукта күш бар дээрзин база катап бадыткадывыс. Россияның Президентизи Владимир Путинни деткип тургаш, чурттуң турум хөгжүлдезиниң курузун бадыткап, ажы-төлдүң болгаш уйнуктарның төлептиг келир үезиниң таваан быжыглаан бис.
Мурнувуста улуг сорулгаларны – социал, транспорт болгаш энергетика инфраструктуразының объектилерин чаартырын болгаш тударын уламчылап, бүдүрүлгелерни ажыдып база чаартып, мурнакчы технологияларны хөгжүдерин уламчылаар. Улуг хоорайларга база бичии суурларга таарымчалыг чурттаар байдалды тургузар дээн ажылдар мурнувуста кайы хөй.
Келир чылда кол сорулгаларның бирээзи – бистиң чуртувустуң хамаатыларының талантызын болгаш салым-чаяанын ажыдып боттандырарынга дең эргелиг аргаларны бээр.
Аянныг, идепкейжи кижини, дидим бодалдарны амыдыралга боттандырар улусту кижизидер эң-не эки байдал өг-бүледе дээрзи билдингир. Өг-бүле чылында ада-иелерни болгаш ажы-төлдү, хөй ажы-төлдүг өг-бүлелерни деткииринче база чаңчылчаан мөзү-шынарлыг үнелиг чүүлдерни кадагалап арттырарынче угланган онза кичээнгей Россияның күрүне политиказының эң-не кол сорулгалары бооп артар болгаш ооң келир үеде чаагай чоруунуң болгаш чечектелиишкининиң үндезини болуп артар дээрзинге бүзүрээр мен.
Амгы үеде бистиң эрес-дидим оолдарывыс тускай шериг операциязының мурнуку одуруунда Россия күрүнезиниң бот-тускайлаң хөгжүлдезиниң база бот-догуннаан эргезин камгалап турар. Оларның шуптузу - ёзулуг маадырлар-дыр. Оларның чанып кээрин манап турар бис. Ада-чурттуң Улуг дайынының үезинде, бистиң төрээннеривистиң боттарывыстың камгалакчыларывыска бүзүреп чорааны дег, оларга база бүзүреп, манап турар бис. Бүгү-ле салгалдарның дайынчыларының маадырлыг чоруунуң дугайында сактыышкыннар бистиң чүректеривиске кадагалаттынып арткан. Бо үнүп орар чылда эң-не кол байырлал – Тиилелгениң 80 чылын демдеглээр бис. Демниг чоруктуң болгаш быжыг хей-аъттың ол демдээ биске, ынак Төрээн чуртувустуң чечектелиишкини дээш, чаа-чаа чедиишкиннерже күштү бээр дээрзинге бүзүрээр мен.
Эргим эштер! Чаа чыл силерге өөрүшкүнү сөңнеп, чедиишкиннериңерни көвүдедип, а хамык-ла багай чүүлдер эрткен үеде артып калзын. Биске шуптувуска быжыг кадыкшылды, аас-кежикти, чаа-чаа чырык тиилелгелерни күзедим! Байырлал-биле!
Россия Федерациязының Президентизиниң Сибирь федералдыг округда бүрүн эргелиг төлээзи Анатолий Серышев