Бөгүн, декабрь 24-те, Тываның Чазааның бажыңынга республика баштыңы Владислав Ховалыгның удуртулгазы-биле террорга удур комиссия биле оперативтиг штабтың каттышкан хуралы болуп эрткен. Ооң сайгарылгазынга коурм-чурум камгалаар база шеригжиткен структуралар төлээлери киришкен. Хөй-ниитинң чурумун камгоаары база хамаатыларның айыыл чок чоруун хандырарынга хамарышкан кол чүүлдерже улуг кичээнгейни угландырган.
Чаа чыл болгаш рождество байырлалдарының бүдүүзүнде республика девискээринге терроржу болуушкуннарны илередип база болдурбазының чугула хемчеглерни хүлээп алырының чууглазын чугаалашкан. Байырлал хүннеринде бооп болур айыылдарны болдурбас база чурттакчы чоннуң камгалалынче угланган хемчеглерни тодаргай сайгарган.
Тываның Баштыңы Владислав Ховалыг чылыдылга-энергетика комплекизиниң объектилерин камгалаарын шыңгыырадыр ажылды уламчылаар деп айыткан. «Амыдыралга чугула херек объектилерниң айыыл чок чоруун хандырар талазы-биле арга-сүмелерни алыр бүдүрүлгелер-биле кады ажылдажылгавысты идепкейжидер бис. Бистиң регионнуң камгалалында кол базымывыс ол» — деп, демдеглээн.
Хуралдың киржикчилери 2028 чылга чедир санаан Россияда терроржу идеологияга удур хөделиикшинниң комплекстиг планының хемчеглерин күүседир дээш, 2025 чылда республиканың террорга удур комиссиязының ажылдаарының орук планын бадылаан.
Тываның чурттакчы чонунуң айыыл чок чоруун хандырарынга херек шупту хемчеглер ам-даа уламчылаар деп, Владислав Ховалыг чугаалаан.