Тываның уран чүүлүнүң алдарлыг ажылдакчызы, Тываның Хөй-ниити паатазының кежигүнү Игорь Дулуш чоннар болгаш шажыннар аразында хамаарылгалар айтырыгларның талазы-биле чөвүлелдиң хуралынга сөстү алгаш, чажыт аттар артындан халдаашкыннарга чүгле шын удур туржуп шыдаар дээн Тываның Баштыңы Владислав Ховалыгның сөсиерин сагындырган. Социал четиелерде кижилерниң угаан-сарыылынга хөй талазындан база дүрген чедирер дээн националисчи айтырыгны өөскүдерин оралдашкан хөөнге удур күженгиишкиннеривисти мөөңнээнин Дулуш демдеглээн.
«Тыва хөй националдыг республика боорда, Тыва хөй кезиинде үндезин чурттакчылын республика дээрзин билзе чогуур. Чурттакчы чоннуң 89 хуузу – тывалар, ынчангаш тывалар бүгү байдалга салдарлыг. Бис – тывалар бис. Узбекистанның төлээзи сказал «чаңгыс чер чурттуглар» дээр болза, ону анаа хүлээп алыр ужурлуг бис. Чүге дизе ол улус, мында, Тывада чурттап турарлар. Афганистанга чаалажып чораан тыва-даа, орус-даа дайынчылар «Бис афганнар бис» дээнинде кижи кайгаар чүве чок. А Чечен кампаниязынга ийи удаа киришкен оолдар «чеченнер бис» дээр чүве. Амгы үеде ТШО-дан келген оолдар «Украинадан оолдар бис» деп боттарын таныштырарлар. Мен база мында улус шупту – «тывалар-дыр бис». Тывада болуп турар эки-даа, багай-даа болуушкуннар мында чурттап чоруур шупту улуска – тываларга бодунуң салдарын чедирер».
«Үстүү-Хүрээ» дириг хөгжүм болгаш шажын фестивалының үндезилекчизи Игорь Дулуш буддийжи көрүштен чоннар аразында чөрүлдээниң үүлезин сайгарып көөрүн кыйгырган:
«Бо хүннерде тускай үүлениң хүннери бисте чоруп турар. Шынны боттарывыс дамчыштыр эрттирер ужурлуг бис: амгы үеде болуп турар чүүлдер бүгү-ле Тываның чурттакчыларының херээ болур... Кижи бүрүзү харыылаар апаар. Россияда болуп турар бүгү чүүлдер дээш күрүне тургузукчу чон – орустар харыысалгалыг, а Тывада болуп турар бүгү чүүлдер дээш тывалар харыылаар бис. Тываның Баштыңы-биле кады, чазак-биле кады, прокуратура-биле кады бөгүн болуп турар бүгү чүүлдер дээш шупту чон харыысалгалыг. Бо бодалды шупту чонга чедирикседим».