Тывада бодун ажыл-биле хандыртынган 18-тен 35 хар чедир аныяктарның бизнес болгаш социал инициативалар төлевилелдеринге грант алыкчыларының регионалдыг конкурстарынга киржирин чөпшээрээн. ТР-ниң Аныяктар херектериниң талазы-биле яамының саналдааны-биле республиканың чазаа конкурстуң негелделерин өскертип, оларның санынче профессионал орулгазынга үндүрүг төлекчилерин киржикчилер санынче албан-биле киирген.
Грантыже чагыг киирген кижилер конкурс шилилдезинге тиилээн соонда, хуу сайгарлыкчы кылдыр бүрүткедир хүлээлгелиг. Хуу сайгарлыкчы апаарга, үндүрүглер көвүдеп, отчеттар дужаап, ажыл-чорудулгазы кызыгаарлаттына бээринден, аныяктарның көвей кезиинге ол негелде таарышпайн турарын арга-дуржулга көргүскен. А аныяктар, ылаңгыя стартаперлер, кандыг-даа удуртукчу, офис база отчеттаашкын чокка (фрилансерство) ажылдаксаары билдинген.
«Аныяктарның бизнес-төлевилели» регионалдыг конкурс дугайында дүрүмче киирген эдилгелер ажыл-биле хандыртынган аныяктарга боттарының статузун өскертпейн, хуу сайгарлыкчылар ышкаш, саң-хөө деткимчезин алырын чөпшээрээн. Ол чурум бизнес-төлевилелдерге, ол ышкаш социал айтырыглар-биле ажылдаар төлевилелдерге хамааржыр. Оларның авторлары шилилдени эрте берзе, 100 муңдан 300 муң рубль чедир грантыларны ап болурун сагындыраал.
Оон аңгыда, ол конкурска киржир дизе, билдириишкинни база чогуур документилерни киирерин бөдүүнчүткен. Ам аңаа киржирде, «Россияның аныяктары» күрүнениң информастыг системазынга бүрүткедири база бодунуң төлевилелдерин ооң шөлүнге салыры албан эвес апарган. Киржикчилерниң чугаазы-биле алырга, хөй санныг техниктиг частырыглар база сайтыда үрелиишкиннер уржуундан, ол бо-ла кылдынмайн баар. Бөгүн «Аныяктарның бизнес-төлевилелдери» конкурстуң грантызынче кордакчылар Тываның Аныяктар херектериниң талазы-биле яамыже боттарының чагыын киириптери-ле чедер.
Конкурстуң негелделеринде өскертилгелер аңаа киржир күзелдиг улустуң санын көвүдедир чадавас деп яамы санап турар. 2021 – 2023 чылдарда 300 ажыг аныяктар аңаа киришкен, а 45 төлевилел ниитизи-биле 7 млн рубль түңнүг деткимчени алган. 2024 чылда конкурстуң грант фондузу 2,5 млн.рубль болган, ооң 1,4 млн-ин бизнес-төлевилелдерже, 1,1 млн-ин - социал инициативаларже угландырар.
«Аныяктарның бизнес-төлевилели-2024» республика конкурузунуң түңнелдери
1. Дивии Шончалай Шолбановна, «Тафтинг» төлевилел (50000 рубль).
2. Аюшеева Сарюна Афанасьевна, «Уругларныңга тыва дылын сайзырадыр парлалга продукциязы» төлевилел (170000 рубль).
3. Хунан-Кара Йомужап Айдынович, «Репетитор төвү» төлевилел (50000 рубль).
4. Сат Алдынай Эрес-ооловна, «Фотобудка» төлевилел (230000 рубль).
5. Монгуш Сугар-Сурэн Мергеновна, «Уруглар академиязы» сайзырал төвү» төлевилел (150 000 рубль).
6. Ооржак Азиат Александрович, «Детейлинг төп» төлевилел (260000 рубль).
7. Кырлыг-Кара Алина Маадыровна, «Хой кыргыыр көжүп чоруур пункт» төлевилел (200 000 рубль).
8. Донгак Байыр-Белек Буянович, «Демир каңнаар уран чүүл» мастерская» төлевилел (140000 рубль).
9. Монгуш Евгения Аясовна, «Чымчак эт-септи арыглап аштаары, клининг» төлевилел (150 000 рубль).
«Социал төлевилел-2024» республика конкурузунуң түңнелдери
1. Чульдум Инга Борисовна, «Чоргаарланыр бис, чаңгыс чер чурттуглар» хамааты-патриотчу кижизидилге программазы» төлевилел (300 000 рубль).
2. Монгуш Ника Валерьевна, «Чалгыннар» агаар гимнастиказының клуву» төлевилел (200000 рубль).
3. Монгуш Аялга Буяновна, «Авазының аас-кежии» психиологтуг кабинет» төлевилел (100000 рубль).
4. Сегбе Тайгана Аясовна, «Аас-кежиктиг өг-бүле» ажы-төл азырап алган өг-бүлелер клуву» төлевилел (100000 рубль).
5. Монгуш Алдынай Мергеновна, «Национал тыва хеп лабораториязы» төлевилел (200000 рубль).
6. Оюн Даржаанна Даржааевна, «Креативтиг индустрия медиашколазы» төлевилел (150 000 рубль).
7. Хертек Ангелина Адыгжыевна, «К-рор caver dance» фестиваль» төлевилел (50000 рубль).