Тыва Арат Республиканың ССРЭ-ниң составынче эки тура-биле киргенинден бээр 80 чылынга болгаш шылгараңгай эртемден база культуролог Вячеслав Даржааның төрүттүнгенинден бээр 65 чыл оюнга тураскааткан эртем-практиктиг конференция эртип турар.
Ол хемчег Россияның аңгы-аңгы регионнарындан болгаш өске-даа чурттардан эртемденнерни, эртем ажылдакчыларын болгаш практиктерни чыып, билиглер, арга-дуржулга, идеялар солчулгазының онзагай шөлүн тургускан. Конференцияның киржикчилери Төп Азияның чоннарының төөгүлүг болгаш культурлуг өнчү-хөреңгизи амгы үениң шенелделериниң байдалынга канчаар тургустунуп, өскерлип турарын сайгарып чугаалашкан.
Чоннарның каш янзызы, дылдарының онзагайлары болгаш культурлуг ужур-чаңчылдары-биле хамаарышкан шинчилелдерже онза кичээнгейни угландырган. Культурлуг өнчү-хөреңгини кадагалап арттырарының болгаш нептередириниң айтырыглары, ооң келир салгалдарга ужур-утказы, ол ышкаш ол талазы-биле чаа технологияларның ролю сайгарып чугаалашкан. Конференцияның киржикчилери культура объектилерин катап тургузарынга чедиишкинниг арга-дуржулгаларны болгаш бодунуң чонунуң чаңчылдарын шиничялээринге аныяктарга деткимче көргүзер эгелээшкиннерни сонуургадыр.
Вячеслав Даржааның өнчү-салгалы – конференцияга онза черни ээлээн. Ооң тыва культураны болгаш төөгүнү шинчилээринге киирген үлүг-хуузу канчаар-даа аажок улуг – бөгүн конференцияда көдүрүлген дыка хөй чидиг айтырыглар ооң ажылдарыдан ужукту алган. Конференцияның киржикчилери ооң ужур-чаңчылдарынга дүүштүр эртем шинчилелдерин уламчылаарының чугулазын негеп турар.
«ХХI векте Төп Азияның чоннарының төөгүлүг болгаш культурлуг өнчүзү» деп делегей чергелиг киржилгелиг Бүгү-россияның эртем-практиктиг конференциязы онзагай өнчү-хөреңгини кадагалап арттырарынга культурлуг диалогтуң болгаш кады ажылдажылганың чугулазын бадыткаан.