Россия Федерациязының Президентизи Тываның Баштыңы Владислав Ховалыгга болгаш тыва чонга Чоннуң чаңгыс деминиң хүнүн таварыштыр байырын чедирген.
«Хүндүлүг өңнүктер! Шуптуңарга бистиң Президентивис Владимир Владимирович Путинниң байыр чедириишкинин дамчыдып тур мен! Бөгүнгү хүн Россияның хөй язы-сөөк чоннарның быжыг демнежилгезин, күштүг тура-соруун Ада-чуртунга кызыгаар чок ынакшылын болгаш ону камгалаарынга кезээде беленин бадыткап турар» – деп, бодунуң блогунда В. Ховалыг бижээн.
Россияның Президентизи Тываның Баштыңынга байырлал-биле байыр чедириишкинин чорудуп, патриотчу болгаш бир демниг чоруктуң чайгылыш чок чаңчылдары, быжыг мөзү-шынар болгаш сүлде-сүзүк деткимчези бистиң өгбелеривиске аар-берге шенелделерни ажып эртип, күчүлүг күрүнени тургузарынга дузалаан деп демдеглээн.
«Оларның маадырлыг чоруу болгаш күш-ажылчы чедиишкиннери, Ада-чуртка бараан болурунга шынчы күзели биске кезээде Төрээн чуртунга ханы ынакшылдың, ооң келир үезинге харыысалганың сорук киирер үлегери болур. Силерге чедиишкиннерни болгаш бүгү-ле эки чүүлдерни күзедим!» - деп, Президент айыткан.