- Кызылга спорт зал база эштир бассейн тударын планнаан бис. Чоокта чаа эрткен дорт дамчыдылга үезинде республика найысылалының аңгы-аңгы микрорайоннарынга база кожууннарга спортчу шөлдерни чаагайжыдар дилеглер база кирген. Спортчу инфраструктураны албан калбартыр бис – деп, Владислав Ховалыг бижээн.
Тыва федералдыг бюджеттен алыр 530 млн рубль-биле республикага модульдуг спорт залды, эштир бассейнни база «угаанныг» спортчу шөлдерни дараазында үш чылда тудуп үндүрер. Амгы үениң эки дериг-херекселдерин салган хөй талалыг ажыглалдыг шөлдер спорт-биле өңнүктежиринге таарымчалыг.
Модульдуг залдар спорткомплекстер ышкаш болза-даа, тудуп үндүрери дүрген болгаш, ону ажыглаарының чарыгдалдары элээн экономиктиг деп, регионалдыг Спорт яамызы демдеглээн. Ындыг объектилер агаар бойдустуң кандыг-даа үезинде таарымчалыг, кыжын-даа, чайын-даа ажылдаар. Кызыл хоорайда Полигонная кудумчузунга модульдуг спортчу объектилер – зал биле бассейнни тудар.
Тываның Баштыңының даалгазы-биле тудар «уганныг» спорт шөлдерин каяа кылырын регионалдыг Спорт яамызы республика чуртакчыларның дилээ езугаар шиитпирлээр.