Кызылга «Тыл – фронтуга! Шупту чүвени Тиилелгеге!» I регионалдыг форум-марафон болуп эртер. Республикада Улусчу фронтунуң регионалдыг салбыры ТШО зоназында Тывадан дайынчыларга күскү гуманитарлыг дузаны чыыры-биле марафонну эрттирер.
Форумну сонуургап келгеннер волонтерларга мастер-класстарга киржип, «Тываның Улусчу полугу» волонтер пунктларының кылган чүүлдериниң делгелге-садыглаашкынындан садыгланып ап болур. Аукциондан кирген акша-хөреңгини ТШО зоназында дайынчыларга чугула херек барааннар болгаш дериг-херекселдер садарынче киириштирер.
Марафон бистиң камгалакчыларывыска дузалажыксаан Тываның аныяктарын, улуг назылыгларны база энерел сеткилдиг кижилерни каттыштырарынга организаторлар бүзүреп турар.
Форум-марафон сентябрь 24-те, Аныяктар ордузунга, 11.00 шактан 15.00 шакка чедир болуп эртер.