«Улусчу фронт. Шупту чүвени Тиилелгеге!» ачы-буян акциязы сентябрь төнчүзүнде доостур. Бүгү-российжи улуг төлевилел үш чыл бурунгаар эгелээнин сагындыраал. Ол үе дургузунда ТШО зоназынче чаңгыс чер чурттугларывысче автомашиналар колонназын, техниктиг дериг-херекселдерни, провиант, эм-таңнар, чаштынар четкилер болгаш өске-даа чүүлдерни чоруткан.
Сооктар дүжүп эгелээрге чылыг хептерни база чорудуп турар. Хуу сайгарлыкчы Валерий Куулар ийи суугун хайындыргаш, берген. Дайын чаалыг үеде, ооң эптиг суугулары чылнырынга-даа, чем хайындырып чиптеринге-даа херек апаарынга ол бүзүрээр. Йога студиязының удуртукчузу Мария Бегзи резин чадыгларны белекке дамчыткан. Азербайджан диаспораның, адвокаттар ниитилежилгезиниң төлээлери, волонтерлар болгаш Тожу кожууннуң чурттакчылары бензин-биле ажылдаар генераторларны болгаш хирээлерни дамчыдып, фронтуже чоруткан. Сарыг-Сеп суурда «Надежда» төптүң эки турачылары 101 дугаар четкини өрүп дооскаш, гуманитарлыг дуза чыыр пунктуга чаштынар четкилерни хүлээткен.
3/6 метр хемчээлдиг кылдыр аргаан 50 улуг чаштынар четкилерни чүък-биле кады фронтуже чорудар. «Содействие» регионалдыг фонд четки аргыыр пөстерни волонтер организацияларынга берген. Бо хонуктарда кожууннарның волонтер пунктуларында чаштынар четки аргыыр ажылдар чоруп турар.
Гуманитарлыг дуза чыылдазынга бүдүн-бүдүн организацияларның киржири чаагай чаңчыл апарган. Так, под руководством Регионалдыг Кадык камгалал яамызының удуртулгазы-биле эмчилер бирги эмчи дузазы көргүзеринге чугал херек чүүлдерни база эмнерни дамчыткан.
Тываның Улусчу фронтузунуң информациязы-биле алырга, үстүнде адаттынган дузаламчыдан аңгыда, тудуг материалдары, блиндаж кылыр кадаглар, шуруповерттар, демир сеткалар дээш, өске-даа дериг-херекселдер херек.
Посылкаларны чыып, белеткээн соонда, Тываның Чазааның деткимчези-биле организастаан автоколонна үнелиг чүъгү-биле үнүптер. Gосылка чорударда дараазында адреске эккээр: Кызыл хоорай, Тыва эки турачылар кудумчузу, бажың 3, телефон: 8(39422)2-10-50. Тываның дайынчыларын деткиирде «Улусчу фронт. Шупту чүвени Тиилелгеге!» регионалдыг чыылданың QR-коду-биле база чорудуп болур.