Регионнуң экономиктиг сайзырал яамызы дараазында угланыышкыннарга субсидия алыр күзелдиг үлетпүр бүдүрүлгелеринден чагыгларны хүлээп турар:
- российжи лизинг организациялары-биле лзинг керээзин чарарда бирги дадывыр төлээринге;
- коммунал инфраструктурага коштунарынга курлавыр хандырылга организацияларының ачы-дузазын төлээринге;
- чаа дериг-херексел садып алырынга.
Тываның девискээринде болбаазырадылга бүдүрүлгезин ажылдаткан хууда сайгарлыкчылар болгаш юридиктиг черлер деткимче хемчээн ажыглап болур. Билдириишкиннерни сентябрь 20-ге чедир саң-хөө күрүне деткимчези бээриниң порталында хүлээп турар. Сонуургаан айтырыгларны дараазында телефоннардан айтырып болур: 8 (39422) 9-76-49, 9-76-48.
Тыва оон аңгыда ук адырны деткиир кылдыр 44 млн рубль акшаның немелде бюджет инвестицияларын алыр. Регионалдыг Экономиктиг сайзырал яамызы республикаже федералдыг акша-хөреңгини «Үлетпүр хөгжүлдези болгаш ооң чижилгелиин улгаттырары» Россия Федерациязының күрүне программазындан хаара туткан.
Тываның үлетпүр хөгжүлде фондузунуң капиталын улгаттырарынче акша-хөреңгини угландырар деп, Экономика яамызы тайылбырлаан. «Ооң ачызында бизнес бүдүрүлгезин хөгжүдеринче 1-ден 3 хуу чедир ставкалыг чиигелделиг чээлилерни ап болур» - деп яамы дыңнаткаш, ол хемчег республикада хереглелдиин демдеглээн.