Тываның Чазаа 2023 чылда уруглар болгаш ажы-төлдүг өг-бүлелер дугайында күрүне илеткелин сайгаргаш, ону хүлээп алган. ТР-ниң күш-ажыл болгаш социал политика сайыды Эдуард Сандан база Россияның национал ада-ие ассоциациязының регионалдыг салбырының удуртукчузу Людмила Спирина документини таныштырган.
Демографтыг, өг-бүлелерниң амыдырал деңнелиниң болгаш чуртталга байдалының, ие-чаштың кадыкшыл байдалы, уруглар чемненилгезинде эрткен чылда болган өскерлиишкиннер дугайында сан-чурагайлар ында кирген. Специалистер өөредилге болгаш кижизидилге, дыштанылга системазын, элээдилерни болгаш оларның ада-иелерин күш-ажылга хаара тутканын анализтээн.
Ол ышкаш өг-бүледе таарымча чок байдалдар, социал өскүстер, уругларга каржы-хажагай чоруктар, назы четпээннерниң хайгаарал чок чоруурунга база кем-херек үүлгедиишкиннеринге удур профилактика айтырыгларын көдүрген. Уругларның сонуургалында республика бюджедин хевирлээр теманы аңгы кезекте киирген.
Тываның Баштыңы Владислав Ховалыг күрүне илеткелин регионалдыг яамылар болгаш ведомстволар коллегияларынга сайгарар даалганы берген. Сайгарылга соонда ажы-төлдүг өг-бүлелерниң айтырыгларын шиитпирлээриниң мурнады чорудар ажылдарын тодарадып, база ол ышкаш ие-чаш, ада болурун база уруглар камгалаар база деткиир, өг-бүле институдун болгаш өг-бүле үнелиг чүүлдерин быжыглаар тодаргай хемчеглерни ажылдаан.