Чылдың-на майның төнчүзүнден июнь ортанга чедир “Туран” сыын ажыл-агыйынга мыйыс кезилдези чоруп турар. Б чылын сыыннар кышты эки ажып, элээн күш киргенин демдеглезе чогуур.
Мыйыстарын кезер кылдыр 40 баш сыынны бөгүн шилип алган. Ажыл-агыйның 600 ажыг баш сыыннарның 218 бажының мыйызын алыр.
Бир баш сыын ортумаа-биле 6-7 кил мыйысты бээр. Ону тускай болбаазыраткаш, эм шынарлыг янзы-бүрү кылыгларны бүдүрүп турар.
2024 чылда “Туран” сыын ажыл-агый кызыгаарлаттынган харыысалгалыг ниитилел төрүүр мал бажынга дээш ниитизи-биле 700 муң рубльдиң субсидяизын алганын сагындыраал.