Россия Федерациязының камгалал сайыды, Армияның генералы Сергей Шойгунуң Тываның Баштыңы Владислав Ховалыгның адынче чоруткан чазак телеграммазында мынча дээн:
Хүндүлүг Владислав Товарищтайович!
Тиилелге хүнүнүң байырлалы-биле сеткилдиң ханызындан байыр чедириишкинин хүлээп ап көрүңер.
Чылдар эртсе-даа, бистиң Төрээн чуртувустуң хамаарышпас чоруун камгалап, фашист эжелекчилерден делегейни хостап алган совет чоннуң маадырлыг чоруунуң дугайында сактыышкыннар кажан-даа читпес.
Байырымныг бо хүнде, Силерге Россияның чаагай чоруу дээш ам-даа чедиишкинниг ажылдаарынга күчү-күштү болгаш шиитпирлиг хөделиишкиннерни күзеп тур мен.