Тыва Республиканың шериг комиссариады Бай-Тайга кожуунга сургакчы ажылды эрттирген

Тыва Республиканың шериг комиссары, полковник Демир-оол Иванович Артына бодунуң ажылчын бөлүү-биле Бай-Тайга кожуунга май 24-түң хүнүнде сургакчылап келген.

Бөлүктүң келген сорулгазы: Бай-Тайга кожууннуң иштинде аныяктар аразында шериг-патриотчу шимчээшкиннерже ажылдарның угланыышкыннары, шериг хүлээлгелиг назы четкен оолдарның кыйгыртыышкыннарының болгаш керээ езугаар келдириишкиннериниң ажылдарының ниити байдалдары кайы-хире чоруп турарын көрүп, база ол ышкаш ажыл аайы-биле арга-сүмелерин кожуунда шериг столунда ажылдап турар харыысалгалыг специалистерге дамчыткан.

Шуй сумузунуң шериг столунуң специализинге үр чылдарда ак сеткилдиг бараан болуп ажылдап чораан Ооржак Оюмаа Оолаковнаның үре-түңнелдиг ажылдап чораанын харадаал-биле сактып, бистиң аравыстан элекке чоруй барганынга хомудалын илеретпишаан, ооң чырык адынга «Россия Федерациязының камгалал яамызының шериг комиссариадының 105 чыл» оюнуң хөрек демдээн О.О.Оолаковнаның чок болганының соонда, өөнүң ээзи Кара-оол Хүрен-Дашовичиге база авазы Тас-Кара Иргитовнага (сумунуң улуг назылыг чурттакчызы, 82 харлыг) Тыва Республиканың шериг комиссариады Демир-оол Иванович болгаш кожуун чагырга даргазының хүлээлгезин күүседип турар Аржаан Хертек олар дамчытканнар.