02.11.2020
Роспотребнадзорнуң Тыва Республикада эргелели-биле ТР-ниң Кадык камгалал яамызының 2020 чылдың ноябрь 2-де коронавирус талазы-биле эпидбайдал дугайында дыңнадыы: эрткен хонукта 36 аарыг кижини үндүр бижээн, оларның 26-зы ковидтээн турган. Эпидбайдал эгелээнден бадыткаттынган аарыглыг 9230 кижи сегип экирээн.
Эрткен хонукта лабораторлуг тестирование-биле 94 чаа аарыг кижини илереткен: Кызылда – 44, Барыын-Хемчик кожуунда – 1, Чөөн-Хемчикте – 3, Кызыл кожуунда – 17, Бии-Хемде – 8, Таңдыда – 11, Тес-Хемде – 3, Тожуда – 1, Улуг-Хемде – 1, Чеди-Хөлде – 4. Лабораторияга бадыткаан 9711 аарыг кижи бүрүткеттинген.
Кызылдың чыдар эмнелгелеринде аарыг 134 кижи берге байдалда. ИВЛ-де 6, НИВЛ-де – 14 аарыг кижини кошкан. Эрткен хонукта 63 кижини эмчиде чыттырган, ооң 1-зи бичии кижи. Эпидемиологтуг үе иштинде 284 920 лабораторлуг шинчилелдерни кылган.
Май 22-де октябрь 22-ге чедир covid-19-тан чок болган 120 таварылга бүрүткеттинген. Аарыгның өөскүүрүн чавырылдырары-биле хөй кижи чыылган хемчеглерге баарын соксадыр, бичии уругларны массалыг хемчеглерге киириштирбес, аарыырын болдурбаңар. Масканы, хол-хаптарын кедер, амы-хуунуң болгаш хөй-ниитиниң арыг-силиин сагыыр.
Бүгү деңнелдиң удуртукчуларынга сагындырары болза, 28 хонуктуң дургузунда массалыг хемчеглер эрттирбес, профилактика хемчеглерин: маска кедерин, эртенги хыналданы, холдарын дезинфекциялаарын, ажылдаар өрээлдерни агаарладырын, арыглап-аштаарын, өг-бүле база коллектив кежигүннериниң кадыын камгалап турарынга чурумнарны сагып турарын контрольга алыр.