«Социал хөмүр» төлевилелдиң күүселдези

Ол чылдан эгелеп көдээ черлерде хөй ажы-төлдүг өг-бүлелер 2 тонна хөмүрнү халас ап турган болза, 2018 чылда оларга хоорайда өг-бүлелер база немешкен. 

2019 чылдың ноябрь 22-де ТР-ниң Чазааның 2016 чылдың август 26-да № 372 доктаалынче өскерилгени киирип, Тыва Республиканың Күш-ажыл болгаш социал политика яамызынга хамааржыр Өг-бүлеге болгаш уругларга социал дуза төптериниң даңзызында амыдыралы берге байдалдыг 4 болгаш оон хөй ажы-төлдүг өг-бүлелер база социал деткимчени алыр эргени берген. 

Хөй ажы-төлдүг өг-бүлелерге чылда бир катап 2142 тонна хөмүр-дашты азы 4,8 куб ыяшты база чырык энергиязының төлевиринге социал деткимчени берип турар. 

4 чыл иштинде төлевилел күүселдезинче 39,8 млн. рубльди: 2016 чылда – 5,5 млн. рубль, 2017 чылда - 5,9 млн. рубль, 2018 чылда – 9,2 млн. рубль, 2019 чылда – 13,2 млн. рубльди шилчиткен. 

2016 чылда - 702, 2017 чылда - 718, 2018 чылда – 1061, 2019 чылда – 2032, ниитизи-биле 4513 хөй ажы-төлдүг социал дузаны алганнар (республика бюджединиң акша-хөреңгизи-биле 1367, спонсорлар дузаламчызы-биле 665 өг-бүлени хандырган), 2020 чылда 4 болгаш оон хөй ажы-төлдүг 3222 өг-бүле дузаны чедирген. 

2016 чылда 680 өг-бүлеге 3304,2 рубльга 1456,6 тонна хөмүрнү дүжүрген (бир өг-бүлеге-ле 2т.142кг); 67,6 муң рубльга 106,3 куб ыяшты саткаш, 22 өг-бүлеге берген (бир өг-бүлеге-ле 4,8 куб); 702 өг-бүлениң чырык энергиязын төлээринге 1108,6 муң рубльди (бир өг-бүлеге-ле 1579,2 рубль) тускайлаан.

2017 чылда 671 өг-бүле 1437,3 тонна хөмүрнү (бир өг-бүле 2т.142кг) алган, ынаар 3 587,1 муң рубльди чарыгдаан. 36 өг-бүлеге 175,0 куб ыяшты (бир өг-бүлеге-ле 4,8 куб) белеткээн, ооң үнези 131,2 муң рубль болган; 718 өг-бүлеге чырык энергиязы дээш 1 146,2 муң рубльди шилчиткен. 

2018 чылда 1010 өг-бүлеге ниитизи-биле 2163,4 тонна хөмүрнү 5 616,2 муң рубльга саткан, 41 өг-бүлеге 199,2 куб ыяшты дүжүрген. 1010 өг-бүлеге чырык өртээнге чиигелде дээш 1 576,8 муң рубльди шилчиткен. 

2019 чылда 1300 өг-бүле хөмүрнү, 67 өг-бүле ыяш, 1050 өг-бүле чырык өртээнге дузаламчыны алган.

2020 чылда республика чазааның докталынче өскерилгелерни киирип, ажы-төл азырап алган өг-бүлелерни социал деткимче хемчеглерин бээр өг-бүлелер даңзызынче киирген. Тыва Республиканың Күш-ажыл болгаш социал политика яамызы социал деткимче алыкчыларының даңзызын тургузуп, киирер. “Социал хөмүр” төлевилелди күүседири-биле адрестиг социал дузаны көргүзериниң дугайында база Тыва Республиканың Чазааның чамдык доктаалдарын күш чок деп санаарының дугайында” Тыва Республиканың Чазааның 2020 чылдың март 23-те № 105 доктаалы езугаар, 4 болгаш оон хөй ажы-төлдүг өг-бүлелерге, уруг азырап алган өг-бүлелерге одалга сезону эгелээринге чедир социал деткимче кылдыр кадыг одаар чүүлдү (хөмүр азы ыяшты) чылда бир катап бээрин доктааткан. 

Түңнели. 4 чыл иштинде хөй ажы-төлдүг 4513 өг-бүле хөмүр, ыяш садып алырынга, чырык энгергиязын төлээринге талоннарны алган.